Dieđiheapmi interneahta bokte
Jos áiggut dieđihit jienastuslohkui interneahta bokte, de fertet logget sisa ID-portálain/MinID.
Juohkehaš guhte julggašta ahte atná iežas sápmelažžan, ja geas juogo
a) lea sámegiella ruovttugiellan, dahje
b) leat dahje leat leamaš vánhemat, áhkut/ ádját dahje máttarvánhemat geain lea/lei sámegiella ruovttugiellan, dahje
c) lea olbmo mánná gii lea/ lea leamaš jienastuslogus, sáhttet gáibidit fievrriduvvot jienastuslohkui.
Buot sámiin Norggas, geat leat badjel 18 jagi dahje devdet 18 jagi válgajagi, lea vuoigatvuohta registrerehit jienastuslohkui. Eará davviriikkaid stáhtaborgárat geat leat sápmelaččat sáhttet registrerehit jienastuslohkui, jos sii válgajagi geassemánu 30. b. muttus leat dieđihan álbmotregistarii ahte ásset Norggas.
Sámit geat eai leat davviriikkain eret, sáhttet registrerehit jienastuslohkui jos sii álbmotregistara dieđuid mielde leat ássan Norggas golbma maŋimuš jagi ovdal válgabeaivvi.
Dieđiheapmi báberskovi bokte
- Viečča pdf-skovi vuolábealde, deavdde dan ja sádde devdojuvvon ja vuolláičállojuvvon skovi Sámediggái.
Dieđihit iežas eret Sámedikki válgajienastuslogus
Jus áiggut dieđihit iežat eret Sámedikki válgajienastuslogus, de fertet sáddet Sámediggái eboastta dahje reivve boastta bokte. Eretdieđiheamis ferte leat du namma ja personnummar mielde.