Sámediggi lea aitto háhkan vuoigatvuođaid Iŋgor Ántte Ánte Mihkkalis Sámedikki luohtái maid son ráhkadii 1989:s Sámedikki rahpamii.
Ánte Mihkkal Gaup juoiggai 1989:s luođi vuosttaš geardde. Dál lea Sámedikki luohti gullamis digitála hámis. Go Sámedikkis lea dievasčoahkkin, gohččojuvvojit áirasat sajiideaset Sámedikki luđiin. Sámediggái lea dehálaš ahte árbevierut gullojit ja oidnojit, ja danne galgá dievasčoahkkin luđiin čohkkejuvvot.