Sámediggeráđđi lea juolludan doarjaga Ravn studio AS:ii applikašuvnna ovddideapmái sámegillii ovdaeastadanoahpahusa birra.
Iskkadeapmi mii lea dahkkojuvvon Máilmmi ovdaeastadanbeaivvi oktavuođas čájeha ahte Eurohpás leat Norgga gánddat čuorbbimusat geavahit ovdaeastadeami ja šielbmá ohcat dieđuid seksuála dearvvašvuođa birra lea hui allat muhtun joavkkuin.
- Seksuálaeallin ja ovdaeastadeapmi leat ain rašis fáttát, maid birra lea váttis hállat vieris gillii. Applikašuvdna iežas gillii sáhtášii sihke buoridit máhtu ja luvvešii cakkiid seksuálaeallima ja dan dearvvašvuođa birra hállamis, cealká ráđđelahttu Henrik Olsen.
Dutkan čájeha ahte ollugat rahčet ovdaeastadanvugiid geavahemiin rivttes vuogi mielde, vaikko gávdnojit luohtehahtti ovdaeastadanvuogit.
Applikašuvnna ulbmilin nuoraide lea duddjot diehtomielalašvuođa ovdaeastadeami, sávakeahtes áhpehisvuođa ja sohkabealdávddaid birra dakkár media bokte, maid nuorat dovdet bures.
Gulahalli:
Ráđđelahttu Henrik Olsen, tlf: 907 75 219.