Rabas ohcanáigemearri:
Miessemánu 4. b. 2020. Ohcamat mat leat sáddejuvvon maŋŋá dán dáhtona eai meannuduvvo.
Gii sáhttá ohcat:
Bellodagaid ja joavkkuid organisašuvnnat main lea ovddastus Sámedikkis
Gáibádusat ohcama sisdollui ja hápmái:
Sámedikki elektrovnnalaš ohcanskovvi galgá adnot.
Dán jagi bušeahtta biddjo mielde.
Sus gii vuolláičállá ohcama, galgá leat fápmudus geatnegahttit fitnodaga/ásahusa jna.
Ohcci geatnegahttojuvvo almmuhit Sámediggái buot daid dieđuid mat dárbbašuvvojit ohcama meannudeapmái, maiddái dieđuid vejolaš eará almmolaš doarjagiid birra.
Ná juhkkojuvvo doarjja:
a) Jietnadoarjja:
90 % jahkásaš rámmas juolluduvvo luohtta jiena nammii maid leat ožžon maŋimuš sámediggeválggain, organisašuvnnaide, bellodagaide ja joavkkuide main lea ovddastus Sámedikkis.
b) Vuođđodoarjja:
10 % jahkásaš rámmas juolluduvvo luohtta registrerejuvvon sámepolitihkalaš organisašuvnnaide mat maŋimuš sámediggeválggain ožžo unnimusat 2.5 % jienain riikadásis dahje mat ožžo sisa unnimusat ovtta áirasa Sámediggái.
Eambbo dieđut doarjjaortnega eavttuid birra:
Geahča Doarjjanjuolggadusat bellodagaid ja joavkkuid organisašuvnnaide main lea ovddastus Sámedikkis
Gulahallanolmmoš:
Siv Marit Romsdal Eira tlf: 78 47 40 72, siv.marit.romsdal.eira@samediggi.no