Sámediggeráđđi lea juolludan 2 155 000,- ru musihkkaalmmuhemiide 2015:s. Dán jagi juolludusas lea addojuvvon doarjja sihke ođđaáigásaš ja árbevirolaš almmuhemiide, ja dasto gielddasámi musihka almmuheapmái.
- Dán jagi ohcamiin leat leamaš ollu miellagiddevaš prošeavttat, dat leat earret eará luohti dubstep musihkain buohtalastimiin mánáiguin ja nuoraiguin. Maiddái dán jagi oaidnit ahte ollugat searvvahit luođi árbevirolaš dahje ođđaáigásaš hámis iežaset musihkkii, dán dihte leat mii erenoamážit ilus dadjá ráđđelahttu Henrik Olsen.
Oktiibuot lea addojuvvon 15 musihkkaalmmuheapmái ja sin gaskkas geat leat ožžon doarjaga leat dovddus sámi musihkkarat Herborg Rundberg, Ivnniiguin, Mikkel Gaup, Arvvas, Ivvár ja Sáivu, ja dasto árbevirolaš luohti Anders P. Bongoin.
Ohcansubmi lei oktiibuot badjelaš 2,9 miljon ru.
- Mii leat hui duhtavaččat viidodagain dán jagi juolludemiin. Almmuheamit maid Sámediggi doarju dán jagi leat mielde ovdánahttimin buori ja juohkelágan sámi musihka, ja mun illudan gullat ollu buori musihka boahttevaš jagiin, cealká ráđđelahttu Olsen loahpas.
Eanet dieđuid addá:
Ráđđelahttu Henrik Olsen, tel. 907 75 219