Sámediggeráđđi lea mearridan doarjut Mearrasámiid duodjedálu Porsáŋggus, 165 000 ruvnnuin, duodjekursa lágideapmái ja kulturgaskkusteapmái ovttasbarggus Mearrasámi bajásšaddanguovddážiin ja Mearrasámi gealboguovddážiin Billávuonas, muitala sámediggeráđđi Silje Karine Muotka.
Mearrasámiid duodjedállu lea juo bidjan johtui ovtta barggu, čađahit kurssaid iešguđet duodjesurggiin ja dáidda kurssaide leat mearrasámi biebmoárbevierut, kultureahkedat ja sámi sálbmalávlun deavddan, ovttasbarggus eará mearrasámi aktevrraiguin Billávuonas, lohká Muotka, gii muitala ahte doaibmabijut leat leamaš hui geasuheaddjin.
–Sámedikki mielas lea dehálaš doarjut mearrasámi kultuvrra ealáskahttima ja ahte dát lea árbedieđu juohkin, mii lea dehálaš áŋgiruššansuorgi Sámediggái, lohká sámediggeráđđi.
-Lea buorre go Mearrasámiid duodjedállu dál fállá kurssaid sihke sávzzanáhkeduddjomis/ duhppemis, nuoraidduojis, biebmoárbevieruin, gákte-/ luhkka- ja vuottakurssaid, lohká Muotka gii maid lohká ahte sámediggeráđđi juste lea juolludan doarjaga Mearrasámi bajásšaddanguovddážii ovtta prošektii skuvllas mas mearrasámi biebmoárbevierut galget vuoruhuvvot skuvlaoktavuođas, ja mii Sámediggeráđis sávvat áinnas ahte šaddá buorre ovttasdoaimmaheapmi dán guovtti doaibmabijus.