-Sámediggi lea máŋga jagi vuoruhan árjjalaččat doarjut bivdofatnasiid vuosttaš geardde oastima, muitala sámediggeráđđi Silje Karine Muotka. Dat lea dannego Sámediggi háliida váikkuhit dasa ahte eanebut álggahit guolásteami, ja go bivdofanas lea divrras, dadjá Muotka.
-Erenoamážit lea illudahtti go eanet nuorra guolásteaddjit ohcet doarjaga bivdofatnasa oastimii, dadjá Muotka. Sámediggi fertet oažžut ohcamiid ovdalgo fanas ostojuvvo.
-Lean hui ilus go beasan buktit buriid ođđasiid máŋga guolásteaddjái beassášvahku álggus, dadjá Muotka.
Dát guolásteaddjit leat ožžon doarjaga sámediggeráđis:
Stig Arne Johansen (nuorra guolásteaddji), 277 000 ruvdnosaš doarjja oastit bivdofatnasa 2 220 475 ruvdnosaš rámmain, Skártaváhki/Davvinjárga
Hjalti Sigurdsson, 200 000 ruvdnosaš doarjja oastit bivdofatnasa 825 906 ruvdnosaš rámmain, Gáŋgaviika/Donjevuotna
Nick Roland Pedersen, 21 jagi, 273 000 ruvdnosaš doarjja oastit bivdofatnasa 780 000 ruvdnosaš rámmain, Deatnu
Magnar Hemmingsen, 200 000 ruvdnosaš doarjja oastit bivdofatnasa 1 200 000 ruvdnosaš rámmain, Ivgu
Kvitnakken AS Daniel Davidsen bokte, 30 jagi, 200 000 ruvdnosaš doarjja oastit bivdofatnasa 2 700 000 ruvdnosaš rámmain , Gáŋgaviika.
Eanet dieđuid addá Sámediggeráđđi Silje Karine Muotka, tel. 98 48 75 75