Sametingsrådet bevilger 70 tusen kroner i støtte til Åarjelsaemien Teatere oažžu doarjjan Sámediggeráđis 70 duhát ruvnnu buvttadit teáhterčájáhusa “Långa Lappflickan”. Teáhterčájáhus sámi nissona birra mii bajásšaddá ja vásiha nállebiologiija 1800-logus ja 1900-logu álgogeahčen.
Teáhterčájáhusa duogáš lea girji ”Långa Lappflickan” maid Åke Lundgren čálii.
Historjá vuođđuduvvá muitalussii sámenieidda birra Maaleges, Viestarbađaeatnamis eret, gii čájehuvvui Eurohpá márkaniin 1800-logus. Dát lei álgogeahčen nállebiologiija áigodaga mii bisttii 1800-logu rájes gaskamuddui 1900-logu. Son vásihii rasismma ja vealaheami olles eallima.
Catarina Christina Larsdotteris (1819 - 1855) lei vihki hypofysas, mii dagahii ahte son stuorui olles eallima. Son šattat 2.18 mehtera. 1855 giđa son hávdáduvvui Liksjoe:ii, muhto rumaš ostojuvvui, roggojuvvui bajás ja sáddejuvvui Vitenskapsmuséet:ii Stockholm:ii.
-Historjá lea seamma áigeguovdil otne ge. Dál lea seamma ollu rasisma ja vierisvuođaballu go dalle go Catarina Christina Larsdotter elii 1800-logus. Nubbi bealli mii maid dagaha historjjá miellagiddevažžan lea ahte ain leat sámi bázahasat museaid ja universitehtaid iešguđet gealláriin ja vuorkkáin, ja danne doarju sámediggeráđđi prošeavtta, dadjá sámediggeráđđi Thomas Åhren.
-Lea deaŧalaš muitalit bajásšaddi bulvii historjjá áidnalunddot olbmo birra geas lei rašis eallin, muhto maiddái gelddolaš eallin dakkár áiggis go sápmelaččat badjelgehččojuvvojedje, dadjá Åhren.
Loga eanet Åarjelsaemien Teatere birra dás:
http://www.asteatere.no/no/om_teatret/historie/%C3%85arjelhsaemien+Teatere.[..]
Eanet dieđuid addá: Sámediggeráđđi Thomas Åhren, 908 39 663