Ohcanáigemearri: 25.10.2020 23:59
Ohcanáigemearri: 25.10.2020. Korona-pandemiija geažil mii gieđahallat ohcamiid dađistaga go bohtet ohcanáigemeari rádjái.
Sáhttá addit doarjaga gitta 40 % rádjái duojis mii lea dohkkehuvvon iešráhkadan duodjin. Unnimus doarjja lea kr 20 000, ja eanemusat sáhttá oažžut kr 150 000.
Suveniirat eai sáhte leat vuođđun doaibmadoarjaga meroštallamii. Vuovdin lagas fulkkiid ja beallalaččaid gaskka ii maid sáhte leat vuođđun doaibmadoarjaga meroštallamii.
Diehto- ja duođaštangáibádusaid dáfus, geahča ohcanskovi ja Sámedikki njuolggadusaid ortnegii, dahje váldde oktavuođa Sámedikkiin.
Gulahallanolmmoš: Ráđđeaddi Vivi Pedersen, tlf. 78 47 40 13