Sámedikki áigumuššan lea seailluhit ja ovdánahttit eanadoalu dehálaš kulturguoddin ja barggaheaddjin. Danin lea stuorra hástalussan Sámediggái oažžut guovddáš eiseválddiid guldalit Sámedikki eanandoalu ovdáneami ektui Sámi guovlluin.
Sámediggi bargá dan badjelii:
- Ahte leat dohkálaš juridihkalaš ja ekonomalaš rámmaeavttut
- Ahte gánnihahttivuohta vuođđoealáhusain buorrána
- Ahte lea buorre rekruteren
- Ahte sohkabealdássádat buorrána
- Ahte boraspirepolitihkka vuhtiiváldá sámi ealáhusaid
Mii áigut joksat iežamet mihttomeriid go bargat dan badjelii ahte:
- Areálat ja veahkkevárit sihkkarastojuvvojit
- Mii beassat váikkuhit eanandoallopolitihka
- Láhččet vuođđoávdnasiid muohkadeami
- Ásahuvvojit buori ortnegiid buolvadatsirdimiidda
- Lasihit nissonolbmuidlogu
- Sihkkarastit meahcásteddjiide meahcceresurssaid
Min ovttasbargoguoimmit:
- Innovašuvdna Norga hálddaša giliovdánahttinruđaid mat sáhttet juhkkojuvvot háhkamiidda árbevirolaš eanandoalus ja lassiealáhusain, ja álggahandoarjjan ja fitnodatovdáneapmái lassiealáhusain
- Fylkkamánni eanandoalloossodat galgá dieđuid, hálddašeami, gaskaomiid ja báikkálaš heivehuvvon doaibmabijuid bakte váikkuhit dasa ahte nationála eanandoallopolitihkka čađahuvvo.
- Suohkaniin lea vuosttaš linjjá bálvalanovddasvástádus eanandoalu ektui
- Boanddaidsearvvit Norgga Boanddaidsearvi ja Norgga Boanddaid- ja Smávvadálolaččaid searvi leat šiehtadallanbealit go Stáhtain šiehtadallet jahkásaš eanandoallošiehtadusa. Šiehtadus mudde rámmaeavttuid eanandollui.