Bargu dan badjelii ahte sápmelaččaid eatnamiid ja resurssaid árbevirolaš geavaheapmi vuolggaha dásseárvosaš oamastan- ja geavahanvuoigatvuođaid, nu movt earáid geavaheapmi lea dagahan, lei guovddážis ođđa sámi kulturáŋgiruššamis 1960-logu loahpa rájes gitta 1970-logu álggu rádjai. Okta váldosivain Áltá-čázadaga buođđudeami vuostálastimiidda lei go sápmelaččaid eanan- ja resursavuoigatvuođat eai lean dohkkehuvvon. Danin vuođđuduvvui Sámi vuoigatvuođalávdegoddi ja biddjui bargat čielggadeames dákkár vuoigatvuođaid.
Sámediggi bargá dán badjelii ahte:
Sámediggi dál bargá:
Sámedikkis lea ovddasvástádus fuolaheames ahte sápmelaččaid, ovttaskas olmmožin ja sápmelažžan, eatnamiid ja valljodagaid historjjálaš geavaheapmi dohkkehuvvo seamma dási go earáid geavaheapmi. Dát dáhpáhuvvá ráđđádallamiid ja ovttasbargama bakte stáhtalaš eiseválddiiguin. Dát lea áddjás bargu man ráđđehusa dáhttu dobbelii joavdamis lea stivrejeaddjin.
Sámediggái lea dehálaš viidát gullat olbmuid boahttevaš čovdosiid. Čuovvoleames Sámi vuoigatvuođalávdegotti barggu oktavuođas leat lágiduvvon máŋga álbmotčoahkkima. Dákkár čoahkkimat ja gulahallan guoskevaš sámi organisašuvnnaiguin lea dehálaš. Don sáhtát Sámedikki barggu ja politihka váikkuhit iežat organisašuvnnaid bakte.
