49 oahpaheaddji ja mánáidgárddeoahpaheaddjistudeantta leat ožžon stipendda Sámedikkis. Sámediggeráđđelahttu Silje Karine Muotka lohká dan movttidahttin go nu ollugat leat válljen oahpaheaddjioahppu, go skuvllat dárbbašit oahpaheddjiid geain lea máhtolašvuohta sáme gielas ja kultuvrras.
Sámediggi lea várren 2, 85 miljon ruvnnu stipenddaide alit ohppui 2015.
Sámediggeráđđelahttu Silje Karine Muotka navdá stipendaortnega dagahit ahte ollugat válljejit oahpaheaddji ja mánáidgárddeoahpaheaddjioahppu.
-Sámi servodagas leat ovddabealde stuorra hástalusat das movt oažžut bargiid geain lea sámi giella- ja/dahje kulturgelbbolašvuohta eanaš surggiide. Sámediggi oaidná ahte ovttasbargu rekrutterendoaibmabijuid ektui sámi alit ohppui lea hui deaŧalaš boahtteáiggis, ja danin son lea movtta og lea leamaš nu buorre ohcamuš Sámedikki stipenddaide, lohká Muotka.
53 leat ožžon stipendda váldit alitoahppu sámegielas, 24 studeantta lea ožžon stipenddas váldit oahppu buohccidivššároahppus. Sámediggeráđđelahttu Silje Karine Muotka muitala maid ahte 12 boazodoallobachelorstudeantta leat ožžon stippendda Sámedikkis.
Son lea áibbas sihkkar ahte buohkat ožžot barggu, go servodagas lea stuorra dárbu bargiide geain lea sámegielgelbbolašvuohta, lohká Muotka.
Eanet dieđut:
Sámediggeráđđelahttu Silje Karine Muotka, 984 87 576