Doaibmi sámediggepresideanta Silje Karine Muotka lihkuha Ellen Inga O. Hætta go kulturministtar Thorhild Widvey lea su nammadan NRK ođđa stivrii odne geassemánu 10. b.
– Nu šaddá Ellen Inga O. Hætta NRK stivrra vuosttaš sámi lahttun. De sávan ahte sámi hástalusat šaddet stuorát oassin NRK strategalaš árvvoštallamiin, ja ahte dat váikkuha daid deaŧalaš doaimmaid maid NRK vállje čađahit boahtteáiggis.
Ellen Inga O. Hætta (61) Sámi joatkkaskuvlla ja boazodoalloskuvlla rektor Guovdageainnus. Hætta lea ovdal leamaš Sámi Oahpahusráđi direktevra (1994-99), Sámedikki ossodatdirektevra (1999-2001) ja boazodoallohoavda (2001-201). Son lei Gielda- ja regionáladepartemeantta stáhtačállin Bondevik II ráđđehusas (2004-2005).
Ráđđehus lea aiddo báliid álggahan gulaskuddama ođđa NRK-plakáhtain, ráhkkaneapmin boahttejagi dieđihuvvon stuorradiggedieđáhussii NRK birra.
– NRK-stivrras ja ráđđehusas lea dál deaŧalaš bargu nannet sámegielat mediafálaldaga buot NRK surggiin. Ellen Inga O. Hætta leat ollu vásáhusat ollu guovddáš virggiin ja servodatdoaimmain ja su gelbbolašvuohta ja áŋgiruššan sáhttá leat mielde gáhttemin sámi beroštusaid nana vugiin, dadjá Muotka.
Gulahalli
Sámediggeráđi Silje Karina Muotka, tel.+47 984 87 576