Benjaminbálkkašupmi lea skuvlabálkkašupmi, ja guoddá Benjamin Hermansena nama gii gottahalai jagi 2001:s Holmlias. Sivvan manne su godde lei rasisma. Skuvla mii oažžu bálkkašumi bargá aktiivvalaččat rasisma ja buot vealahanguottuid ja -daguid vuostá.
Dássážii lea okta skuvla Davvi-Norggas vuoitán bálkkašumi, 2015:s vuittii Vuotnasiida skuvla. Čállingoddái eai láve oažžut nu ollu evttohusaid dan davimus riikaoasis.
Oallugat jurddašit ahte rasisma bargu lea movt áimmahuššat unnitloguálbmogiid ohppiid sin skuvllain, ja dasto jurddašit skuvllat gos eai leat unnitloguálbmotoahppit ahte sii eai sáhte bargat bures rasisma vuostá. Nu ii leat. Rasisma- ja vealahanbargu lea ovddemusat bargu guottuid vuostá. Vuoitoskuvllat váldet rasismahástalusaid servodagas hui duođalaččat, ja dahket sin antirasisttalaš barggu oassin sin skuvladilis.
Sámediggi lea mielde Benjaminbálkkašumi jurys, mas muđui lea mielde Marit Hermansen (oahpaheaddji ja Benjamina eadni), HL-guovddáš, Dásseárvo- ja vealahanáittardeaddji, Antirasisttalaš guovddáš, Oahppolihttu, Vuođđoskuvlla váhnenlávdegoddi ja Ohppiidorganisašuvdna.
Bálkkašumi geigen dáhpáhuvvá jahkásaš riikkaidgaskasaš Holocaustbeaivvi čalmmusteami oktavuođas. Máhttoministtar geige bálkkašumi, ja vuoitoskuvla oažžu 250 000 ruvnno.
Evttot skuvlla Benjaminbálkkašupmái ovdal 1.b. golggotmánu.
Loga eanet ja evttot dás: https://benjaminprisen.no/