Dáhttu 1.0 lea fitnodagaide mat leat álgodásis. Dáhttu 1.0:s leat golbma čoagganeami. Juohke čoagganeapmi bistá beannot beaivvi, lunšas lunšii. Lassin čoagganemiide de lea das maid 30 diimmu ráđđeaddin juohke oasseváldái. Gelbbolašvuođaovddideapmi lea dehálaš ja dása lea Sámedikkis ain fokus. Lea dehálaš fuomášuhttit fitnodatbeali dán ealáhusas danne go kulturaktevrrat eai ane iežaset entreprenevran.
Dáhttu 2.0 lea fitnodagaide mat háliidit stuorrut. Prográmmas leat guokte fysalaš čoagganeami ja guokte webinára. Dása lassin lea 30 diimmu ráđđeaddin hárjánan konsuleanttaid bokte. Maŋemus čoagganeapmi dáhpáhuvvá olgoriikkas. Máŋga aktevrrain lea báikkálaš/guovllu márkan. Dutkan čájeha ahte jus galgá šaddat eanet gánnáhahttin, de ferte fitnodaga márkanguovllu viiddidit. Dát lea váldofokus Dáhttu 2.0:s.
En kort film om bedriftsutviklingsprogrammet Dáhttu.
Jus leat gažaldagat Dáhttu fitnodatovddidanprográmma birra, de sáhtát váldit oktavuođa ráđđeaddiin Kirsten Østby, tel. 78 47 41 08.