– Min mielas lea hui mávssolaš go Gonagaslaš Majestehta Kruvdnaprinsa Haakon áigu oassálastit loahpahančalmmusteamis, lohká sámediggepresideanta Vibeke Larsen.
Sámediggi lea ovttas Riikaantikvárain ja Dálkkádat- ja birasdepartemeanttain identifiseren ja registreren sámi visttiid mat leat huksejuvvon ovdal 1925. Prošeavtta áigumuš lei oažžut ovdan dieđuid ráfáidahttojuvvon sámi visttiin Norggas. Prošeaktaáigodagas 2011 rájes leat registrerejuvvon sullii 800 vistti, Plassje rájes lulde gitta Deanu rádjai davvin.
Sámedikki presideanta Vibeke Larsen dadjá ahte registreremat lea mielde oainnusin dahkamin sámi kultuvrra ja identitehta sihke báikkálaččat ja riikkaviidosaččat.
– Visttit leat dehálaš gáldun máhttui ja historjái sámi báikegottiid birra miehtá riikka. Visttiid bokte oažžut dieđuid sihke sámi servodaga ja ovttaskas bearrašiid ja sogaid birra doppe gos visttit lea geavahuvvon buolvvaid čađa, dadjá Sámedikki presideanta Vibeke Larsen.
Dálkkádat- ja birasminister Vidar Helgesen ja riikaantikvára Jørn Holme boahtiba maid doaluide.
Loahpahančalmmusteapmi lea rabas buohkaide ja doalut leat dán áigodagas dii. 11.00-13.30.
Maŋŋel čalmmusteami Gállogiettis fitná Kruvdnaprinsa Borris Skániin, gos son galgá geahččat sámi láđu mii lea sullii 1850-logu rájes, ja maid leat ođasteame.
Diehtu pressii akkrediterema birra:
Media mii háliida čuovvut doaluid ferte ohcat akkrediterema ovdal borgemánu 25. b. 2017. Váldde oktavuođa Nordlándda Fylkkamánni gulahallanhoavddain Wigdis Korsvik.
Merke e-poastta “Akkrediteren borgemánu 23. b.” Loahpahančalmmusteami plána birra sáddejuvvo eanet dieđut sidjiide geat háliidit čuovvut doaluid.
Prošeavtta jođiheaddji Mia De Coninck, 78 47 49 23.
Dáppe sáhtát lohkat eanet sámi visttegáhttema birra:
Media sáhttá váldit oktavuođa prošeavtta birra:
Jan Roger Østby, Sámedikki gulahallandirektevra, 481 44 696
Siri Wolland, Riikaantikvára gulahallandirektevra, 982 02 735