Jus skuvlaeaiggát ii sáhte addit sámegieloahpahusa skuvlla oahpaheddjiiguin, de lea ohppiin vuoigatvuohta oažžut oahpahusa molssaevttolaš oahpahusvugiiguin. Molssaevttolaš vuogit sáhttet leat gáiddusoahpaheapmi, intensiivaoahpaheapmi dahje sierra leairaskuvlaorostallan, gč. Oahpahuslága § 6-2 viđat lađđasa ja § 6-3 vuosttaš lađđasa ja oahpahuslága láhkaásahusa § 7-1.
Gáiddusoahpaheapmi lea molssaevttolaš oahpahusvuohki mii ii galgga geavahuvvot eambbo dalle go skuvlaeaiggát ii oaččo oahpaheaddji gii sáhttá oahpahit sámegielas. Odne gávdnojit sámegiella gáiddusoahpahusfálaldagat sihke vuođđoskuvlii ja joatkkaoahpahussii. Lea skuvlaeaiggát geas lea ovddasvástádus ohcat diimmuid ja bidjat johtui gáiddusoahpahusa.
Máhttodepartemeanta lea ráhkadan sierra rámmaeavttuid sámi gáiddusoahpahussii.
Norlándda fylkkamánnis lea koordinerenovddasvástádus lulli- ja julevsámegiella gáiddusoahpahusas.
Finnmárkku fylkkamánnis lea koordinerenovddasvástádus davvisámegiella gáiddusoahpahusas.