01.7 - 09:00
03.7 - 18:00
03.7 - 18:00
Sámediggepresideanta Aili Keskitalo galleda Berlina suoidnemánu 1. - 3. beivviid, gos galgá doallat logaldallama Humboldt-universitehtas vuoigatvuođa birra iežas historjái.
Universitehta lea bovden sámediggepresideantta ja presideanttas lea sáhkavuorru suoidnemánu 2. beaivvi.
Árabut seamma beaivvi deaivá sámediggepresideanta norgga ambassadevrra ja lea ságastallan minoritehtaráđi ovddasteddjiiguin.
Lea maiddái plánejuvvon galledit dáiddačájáhusa. Gaskavahku suoidnemánu 3. beaivvi galgá sámediggepresideanta Aili Keskitalo galledit Berlin-Dahlemmusea, gos lea ofelastin ja rabas ságastallan sámi kulturhistorjjálaš diŋggaid irra.
Jus áiggut eanet dieđuid, váldde oktavuođa seniorráđđeaddiin Janne Hanseniin, tlf: +47 78 48 42 40.