Bealit duodješiehtadallamiin leat soahpan, ja jagi 2015 šiehtadusa rámma lea 8,1 miljon ru.
Sámediggi ja duodjeorganisašuvnnat Sámiid Duodji ja Duojáriid ealáhussearvi dat šiehtadallet duoji ealáhusšiehtadusa, ja Sámediggeráđi Silje Karine Muotka lea duhtavaš šiehtadusain.
- Mun lea hui movtta go mii viehka johtilit soabaimet. Mihttomearrin lea ovddidit duoji ealáhussan nu ahte das lea buoret gánnáhahttivuohta ja iežas dujiid gávpejohtu. Dás sihkkarastojuvvo duojáriidda ekonomalaš einnostan vejolašvuohta, muitala Muotka.
Duodjeorganisašuvnnat háliidit váldit badjelasaset doaibmadoarjjaortnega, muhto ovdal dan sáhttet, de áigot šiehtadusbealit árvvoštallat makkár váikkuhusat sirdimis 1.1.2016 rájes šaddet.
- Sámediggeráđđi háliida mielas oaidnit dán deaŧalaš barggu bohtosa, ja lea ilus go organisašuvdna háliida váldit badjelasas ovddasvástádusa, dadjá Muotka.
- Organisašuvnnat leat váillahan duodjeáŋgiruššama kulturealáhussan. Šiehtadusas lea maiddái oassi das ahte Sámediggi háliida álggahit kulturealáhusprošeavtta mas duodji ja sámi kultuvra leat guovddážis, dadjá Muotka loahpas.
Gulahalli:
Ráđđelahttu Silje Karine Muotka, tel. 984 87 576.
