Sámedikki girjerádju lea Kárášjogas ja lea Sámedikki hálddahusa oassi.
Girjerádjosis lea Norgga stuorámus girječoakkáldat ja eará ávdnasat sámegillii ja sámi diliid birra beroškeahttá gielas. Dáid sáhttá gáiddusluoikkahit vaikko gos Norggas.
Rabasáiggit:
Girjerádju lea rabas buohkaide vuossárggas bearjadahkii, dii. 09.00-15.30.
Go áiggut várret dahje luoikkahit Sámedikki girjerádjosis, de ferte leat registrerejuvvon luoikkaheaddjin girjerádjosis. Jus áiggut luoikkaheaddjin šaddat, de fertet fitnat girjerádjosis Kárášjogas. Luoikkaheaddjit eará báikkiin riikkas fertejit diŋgot mis luoikkasin iežaset lagamus girjerádjosa bokte.
Jos dat ávdnasat maid háliidat eai gávdno girjerádjosis, de sáhttit mii diŋgot daid dutnje eará girjerádjosiin (gáiddusluoikkaheapmi).
Don sáhtát ORIA bokte ohcat girjjiid. Das sáhtát maiddái várret, diŋgot dahje guhkidit luoikkaheami.
Buot girjerádjosat sáhttet luoikkahit girjebáhkaid (depot) mis. Mis lea stuorra čoakkáldat mas lea sihke fágagirjjálašvuohta ja čáppagirjjálašvuohta mánáide ja rávisolbmuide, iešguđet sámi gielaide. Dasa lassin luoikat mii DVD:id, CD:id ja jietnagirjjiid. Čoakkáldahkii čohkkejuvvojit dat maid luoikkaheaddji/girjerájus háliida. Vejolaš lea luoikkahit guhkit áigái.
Nástečoakkáldagas leat sullii 1200 tihttala, main lea čállojuvvon sámi diliid birra dahje leat čállojuvvon muhtun sámegillii. Eanaš oassi tihttaliin lea boarraset go 100 jagi.
Čoakkáldagas leat antikváralaš, hárvenaš, boarraset ja mávssolaš girjjit ja áigečállagat, ja muhtun kárttat gitta 1669 rájes. Dasa lassin lea muhtun tihttaliin maŋimuš 100 jagis erenoamáš árvu.
Čoakkáldat lea gieskat geahčaduvvon ja buot tihttalat leat dál registrerejuvvon girjerájusvuogádagas. Daid sáhttá de ohcat nugo eará ge dokumeanttaid.
Eanaš dokumeanttain nástečoakkáldagas leat luoikkahangáhppálat magasiinnas, muhto gáhppálagaid nástečoakkáldagas ii sáhte luoikkahit ruoktot. Muhtumin sáhttit viežžat daid ja daid sáhttá lohkat girjerádjosis.
Sámedikki girjerádjosis ásahuvvui 2014:s sierra álgoálbmotčoakkáldat.
Sámi bibliográfiija Norggas álggahuvvui Troanddima Universitehtabibliotehkas 1980:s, ovdal go dat virggálaččat fárrehuvvui Nationálabibliotehkii. Badjelaš 20 jagi áigi álge hállat vejolašvuođa birra ráhkadit oktasaš sámi bibliográfiija sámi bibliográfiijaid vuođul mat buvttaduvvojit Ruoššas, Suomas, Ruoŧas ja Norggas. Dat golbma eará riikka leat veahkkin gárven dán barggu ovttasráđiid BIBSYS:in, mas lea ovddasvástádus bálvalusa doaimmas.
Go áiggut várret dahje luoikkahit Sámedikki girjerádjosis, de ferte leat registrerejuvvon luoikkaheaddjin girjerádjosis. Jus áiggut luoikkaheaddjin šaddat, de fertet fitnat girjerádjosis Kárášjogas. Luoikkaheaddjit eará báikkiin riikkas fertejit diŋgot mis luoikkasin iežaset lagamus girjerádjosa bokte.
Jos dat ávdnasat maid háliidat eai gávdno girjerádjosis, de sáhttit mii diŋgot daid dutnje eará girjerádjosiin (gáiddusluoikkaheapmi).
Don sáhtát ORIA bokte ohcat girjjiid. Das sáhtát maiddái várret, diŋgot dahje guhkidit luoikkaheami.
Go áiggut geavahit ORIA, de registreret vuos luoikkaheaddjin. Dalle oaččut luoikkahankoartta mii maiddái šaddá du luoikkaheaddji-ID. Dan maŋŋá sáhtát oažžut du iežat beassansáni ORIA:i loggemii.
ORIA:i logget sisa go deaddilat «Logg på» bajimuččas olgešbeale ravddas ORIA:s.
Sámedikki girjerájus ii leat mielde rahpanfálus sisaloggensiiddus. Don fertet válljet BIBSYS institušuvdnan. Logge sisa du luoikkaheaddjiID:in ja BIBSYS-beassansániin.
Buot girjerádjosat sáhttet luoikkahit girjebáhkaid (depot) mis. Mis lea stuorra čoakkáldat mas lea sihke fágagirjjálašvuohta ja čáppagirjjálašvuohta mánáide ja rávisolbmuide, iešguđet sámi gielaide. Dasa lassin luoikat mii DVD:id, CD:id ja jietnagirjjiid. Čoakkáldahkii čohkkejuvvojit dat maid luoikkaheaddji/girjerájus háliida. Vejolaš lea luoikkahit guhkit áigái.
E-poasta: sambib@samediggi.no
Telefuvdna: +47 78 47 40 00
Nástečoakkáldagas leat sullii 1200 tihttala, main lea čállojuvvon sámi diliid birra dahje leat čállojuvvon muhtun sámegillii. Eanaš oassi tihttaliin lea boarraset go 100 jagi.
Čoakkáldagas leat antikváralaš, hárvenaš, boarraset ja mávssolaš girjjit ja áigečállagat, ja muhtun kárttat gitta 1669 rájes. Dasa lassin lea muhtun tihttaliin maŋimuš 100 jagis erenoamáš árvu.
Čoakkáldat lea gieskat geahčaduvvon ja buot tihttalat leat dál registrerejuvvon girjerájusvuogádagas. Daid sáhttá de ohcat nugo eará ge dokumeanttaid.
Eanaš dokumeanttain nástečoakkáldagas leat luoikkahangáhppálat magasiinnas, muhto gáhppálagaid nástečoakkáldagas ii sáhte luoikkahit ruoktot. Muhtumin sáhttit viežžat daid ja daid sáhttá lohkat girjerádjosis.
Čoakkáldaga boarráseamos girjjiin sáhttit namuhit Manuale Lapponicum Olaus Stepani Graan bokte (Stockholm 1669) ja Lapponia Johannes Schefferus bokte, máŋga almmuheami jagi 1674 rájes ja ovddas guvlui.
Sámedikki girjerádjosis ásahuvvui 2014:s sierra álgoálbmotčoakkáldat.
Álgoálbmotčoakkáldagas leat dokumeanttat álgoálbmogiid birra miehtá máilmmi, ja dál otná beaivvi nammii leat birrasii 200 tihttala. Dieinna lágiin leat girjjit maid Sámediggi lea čohkken ja ožžon skeaŋkan registrerejuvvon ja daid sáhttá luoikkahit/gáiddusluoikkahit.
Sámi bibliográfiija Norggas álggahuvvui Troanddima Universitehtabibliotehkas 1980:s, ovdal go dat virggálaččat fárrehuvvui Nationálabibliotehkii. Badjelaš 20 jagi áigi álge hállat vejolašvuođa birra ráhkadit oktasaš sámi bibliográfiija sámi bibliográfiijaid vuođul mat buvttaduvvojit Ruoššas, Suomas, Ruoŧas ja Norggas. Dat golbma eará riikka leat veahkkin gárven dán barggu ovttasráđiid BIBSYS:in, mas lea ovddasvástádus bálvalusa doaimmas.
Følg biblioteket i sosiale medier