Vuolgge kulturmuitobivdui geassit ja vuoitte 7 500 kruvnnu!
Finnmárkku fylkkagielda ja Sámediggi leaba dál ráhkadeamen kulturmuitoplána Finnmárkui, ja duinna ovttas mii háliidat dál vuoruhit kulturmuittuid. Mii háliidat diehtit maid kulturmuittut mearkkašit dutnje.
Gilvvu temá lea Finnmárkku kulturmuittut, ja govat galget čájehit ovtta dahje máŋga kulturmuittu mat du mielas muitalit juoga Finnmárkku birra.
Kulturmuittut leat máŋgga láganat; boares fanas, olgovisti, geađgemuvra, báktesárgosat, industriijavisti, dahje luondduhámit maid birra lea muitaluvvon muitalusain ja máidnasiin. Jos dárbbašat eanet giktaleami, de sáhtát lohkat dábálaš kulturmuittuid ja sámi kulturmuittuid.
Vuoittut
Logi buoremus govvejeaddji vuitet ruhtavuoittuid dahje skeaŋkakoartta:
- 1.vuoitu 7 500,-
- 2. og 3. vuoitu 2000,-
- 4.-10. Vuoitu skeaŋkakoarta 500,-
Jury
Jury árvvoštallá govvejeddjiid, ja deattuha erenoamážit ahte govvejeaddji lea kulturmuittuid govven vuohkkasit ja ahte govain lea gelddolaš hápmi, ja govvejuvvon gilvvu temá vuođul.
Jury miellahtut:
- Monica Milch Gebhardt, govvejeaddji ja Várjjat musea/Finnmárkkumuseaid čoakkáldatráđđeaddi
- Audhild Schanche, seniorráđđeaddi, Sámediggi
- Synnøve Thingnæs, Plána, kulturmuittuid ja biras prošeaktajođiheaddji, Finnmárkku fylkkagielda
Sádde iežat govaid deike: kulturminnefoto@ffk.no ovdal čakčamánu 1.b.2014.
Gilvonjuolggadusat
- Juohkehaš sáhttá sáddet eanemusat golbma gova
- Don gilvalat govaiguin maid ieš leat govven
- Govat galget leat digitála hámis, ja nu stuora čuokkisčoahkku go vejolaš (1MB – 7 MB)
- Govva galgá leat govvejuvvon Finnmárkkus
- Okta dahje máŋga kulturmuittu galgá govvejuvvon
- Muital gos govva lea govvejuvvon, ja maid leat govven
- Sisasáddejeaddji ovddasvástádus lea oažžut lobi govaid almmuhit jos olbmuid lea govven. Jos mánáid lea govven geat leat vuollel 15 jagi, de ferte oažžut lobi váhnemiin.
- Olbmuid namat govain galget leat mielde, vai daid sáhttá identifiseret.
- Persovdnadieđut vurkejuvvojit govaid mielde. Maiddái dan sivas vai daid beassá maŋŋil geavahit.
- Finnmark fylkkagielddas ja Sámedikkis lea vuoigatvuohta almmuhit buot sisasáddejuvvon govaid, ja nuvttá daid geavahit FFG ja Sámedikki gulahallankanálain (neahttasiiddut, sosiála mediat), PR-oktavuođas ja iežaset almmuhemiin. FFG/Sámediggi sáhttet rievdadit hámi ja geavahit dušše oasi govas.
- Govvejeaddji namma almmuhuvvo govain.
- Jury árvvoštallá govaid, ja deattuha ahte kulturmuittut galget leat vuohkkasit govvejuvvon, boktit beroštumi, ja govvejuvvon gilvvu temá vuođul. Logi buoremus govvejeaddji ožžot vuoittu.
