Sámediggeráđđi juolluda 304 000ru guluhemiid riikkasearvái (Hørselshemmedes landsforbund) háhkat sámegielagiid, ja lasihit sámi diehtojuohkingihpafálaldaga.
-Gullanváttisvuođat leat lassáneamen servodagas oppalaččat, muhto eatnašiin lea uhccán máhttu dan birra guđe váikkuhusat das lea dearvvašvuhtii. Mis ii leat sivva jáhkkit ahte dilli lea eará láhkai sámi servodagas, dadjá sámediggeráđđi Henrik Olsen. Danne leat diehtojuohkinávdnasat deaŧalaččat dasa ahte lasihit máhtu sámi servodagas.
Dutkan čájeha ahte ollugat geain leat gullanváttisvuođat rahčet sakka streassaváikkuhusaiguin. Servodagas gullanváddu stigmatiserejuvvo ii ge dat áddejuvvo. Dasa lassin dagaha gullanváddu ahte sosiála searvan šaddá lossat go ii leat nu álki searvat háleštemiide. Nuoraide dát vásihuvvo hui lossadin. Dalle lea buorre beassat háleštit nuppiin olbmuin geas leat seamma hástalusat, ja geas soitet leat vuogit mo buorebut hálddašit árgabeaivvi.
-Mii háliidit ahte sámi guluhemiin galgá leat vejolašvuohta hállat iežaset gullanhástalusaid birra iežaset eatnigillii, ja danne mii doarjut dan barggu ahte háhkat sámegielat máhkeniid, dadjá sámediggeráđđi Henrik Olsen.
Loga eanet: http://www.hlf.no/
Eanet dieđuid addá: Henrik Olsen, 907 75 219