Hálddašanplána galgá gozihit gáhttenárvvuid, sihke dan bokte ahte suodjalit daid sávakeahtes lihkahallamiid vuostá, ja dakkár doaimma láhčima bokte mii ovddida suodjalanárvvuid. Hálddašanplána addá ovttagaslaš ja einnostan vejolaš rámmaid suodjalanguovllu hálddašeami várás čielga hálddašangeavahus- ja áššemeannudannjuolggadusaid bokte.
Buorit suodjalanguovlostivrrat main lea sámi ovddastus, ráddjejit Sámedikki beales njuolga váikkuhandárbbu. Sámediggi buktá oainnuid hálddašanplánabargui ja sádde gulaskuddancealkámuša dalle go plána lea gulaskuddamis, muhto Sámediggi ii konsultere suodjaluvvonguovllustivrraid main leat sámi lahtut. Dárbbu mielde konsulteret Birasdirektoráhtain ovdal hálddašanplána dohkkehuvvo loahpalaččat.