Gulaskuddanseminára lea rabas buohkaide. Das čalmmustuhttojuvvo máttasámi giellaguovlu, ja sámediggeráđđi Lars Filip Paulsen ávžžuha sihke ovttaskasolbmuid ja ásahusaid searvat.
- NAČ galgá lea okta Sámediggeráđi deaŧaleamos áŋgiruššansuorgin ovddasguvlui. Mii háliidit geavahit raportta dasa ahte hábmet boahttevaš sámepolitihka máŋgga suorggis. Mii áigut earret eará oažžut vástádusa dasa mo Sámediggi sáhttá veahkehit ja váikkuhit, ja maid mii sáhttit ovttas ráđđehusain ja departemeanttaiguin olahit, dadjá sámediggeráđđi Lars Filip Paulsen, gii oassálastá gulaskuddanseminárii Steinkjeras duorastaga.
Doaibmabijut mánáid ja nuoraid várás deattuhuvvojit erenoamáš deaŧalažžan
Sámi giellalávdegoddi geigii čielggadusas NAČ 2016: 18 – Váibmogiella golggotmánu 10. b. Tråantes, oktan doaibmabijuiguin mátta-, julev- ja davvisámegiela várás.
Láhkarievdadusaide lassin lea lávdegoddi earret eará árvvoštallan njuolggadusčađaheami ja ovddasvástádusjuogu gaskal Sámedikki, stáhta eiseválddiid ja almmolaš hálddašeami iešguđet osiid. Lávdegoddi lea ovddidan evttohusaid mat gusket ollu servodatsurggiide, muhto doaibmabijut mánáid ja nuoraid, mánáidgárddiid ja skuvllaid várás leat deattuhuvvon erenoamáš deaŧalažžan čuovvolit.
Lávdegoddi lea evttohan láhkarievdadusaid máŋgga suorggis. Evttohusat čatnasit earret eará čuovvovaš surggiide:
- Sámegielat mánáidgárdefálaldagat
- Sámegieloahpahus vuođđoskuvllas ja joatkkaskuvllas
- Njuolggadusaid jorgaleapmi ja almmolaš eiseválddiid diehtojuohkinovddasvástádus
- Vuoigatvuohta oažžut vástádusa sámi gielaide almmolaš orgánain
- Sámegielgeavaheapmi dearvvašvuođa- ja fuolahussuorggis, ja justiisasuorggis
- Sámegiella gielddalaš hálddašeamis
- Dakkár bargiid rekrutteren geain lea gelbbolašvuohta sámegielain ja sámi kultuvrras
- Rádjerasttideaddji giellaovttasbargu
- Sámi báikenamat
Čielggadusa oanehisveršuvnnas leat lávdegotti doaibmabidjoevttohusat.
Gulaskuddanseminára prográmma Steinkjeras
09.00 Gáffe ja registreren
09.15 Bures boahtin, Fylkkaráđđi May Britt Lagesen
09.25 Rahpandearvvuođat, Sámediggeráđđi Lars Filip Paulsen
09.40 NAČ ovdanbuktin – Váldooasit ja fáttát mat gusket máttasámegillii, Elin Fjellheim, Sámi giellalávdegoddi
10.20 Gažaldagat olbmuin
10.40 Bosiheapmi
10.50 Gulaskuddan ja Sámedikki giellabargu, Niklas Labba, Sámediggi
11.15 Gulaskuddanprosedyra Trøndelágas, Morten Olsen Haugen, Davvi-Trøndelága fylkkasuohkan
11.20 Ovddalgihtii ráhkkanahttojuvvon sáhkavuorut ja digaštallan
12.00 Diehtojuohkináššit – áššit Sámi gulahallanforumis: Tråante 2017, Ođđa Trøndelága, May Britt Lagesen/Morten Olsen Haugen
12.20 Lunša
Ovttaskasolbmot, ásahusat ja ealáhusdoaimmaheaddjit besset buktit cealkámušaid lávdegotti evttohusaide ja buktit árvalit eará doaibmabijuid buot sámegielaid várás Norggas. Áigemearrin ovddidit gulaskuddancealkámušaid lea njukčamánu 15. b. 2017.
Sámediggi lágida eanet árvalusčoahkkimii Váibmogiela birra, sihke dan dihtii ahte movttiidahttit buktit cealkámušaid NAČ hárrái ja buktit árvalusaid Sámedikki politihkkasurggiide. Divttasvuonas lágiduvvo gulaskuddanseminára guovvamánu 23. b. ja Guovdageainnus guovvamánu 28. b.
Jearahallama várás, váldde oktavuođa:
Sámediggeráđiin Lars Filip Paulsen 916 18 561
Geavatlaš dieđuid addet:
Berit Karen Paulsen, Sámediggi, tel. 78 48 42 54
Morten Olsen Haugen, Davvi-Trøndelága fylkkasuohkan tel. 74 11 51 86 - 415 17 633