Sámediggi lea bargagoahtán hupmansyntesa ovddidemiin davvisámegiela várás. Dát lea ođđa giellateknologalas veahkkeneavvu buohkaide geain leat čállin- ja lohkanárut ja geat dárbbašit veahki teakstalohkamii sihke skuvllas, barggus ja priváhta.
Sámediggi lea bargagoahtán hupmansyntesa ovddidemiin davvisámegiela várás. Dát lea ođđa giellateknologalas veahkkeneavvu buohkaide geain leat čállin- ja lohkanárut ja geat dárbbašit veahki teakstalohkamii sihke skuvllas, barggus ja priváhta.
Hupmansyntesan dakkár sierralágan dihtorprográmma, mii áddestaddá olbmo hupmama. Hupmansyntesaprográmma sáhttá juogo lohkat teavstta dahje dat sáhttá buvttadit hupmama eará dieđuid vuođul. Jietna mii geavahuvvo lea juogo goanstadahkkon dahje olbmo suopman.
- Mii áigut geavahit olbmo suopmana go ráhkadit teavsttas hupmamii, dadjá Aili Keskitalo.
Dát dahkkojuvvo ovtta Divvumiin ja Giellateknoin Romssa universitehtas. Fálaldagaid viežžama bokte lea Sámediggi bálkáhan Acapela Group AB ráhkadit teavsttas hupmamii čovdosiid davvisámegiela várás. Vuogádaga ráhkadeapmi álggahuvvo skábmamánus dán jagi ja gárvves buvtta almmuhuvvo jagi 2014 golggotmánus.
-Lean hui duhtavaš go sámegiella geavahuvvo maiddái dán teknologiijas, dadjá Sámedikki presideanta Aili Keskitalo. – Teavsttas-hupmamii vuogádat lea buorre giellateknologalaš veahkkeneavvu. Sáhtát ovdamearkka dihtii gullat go dihtor lohká neahttaaviissa davvisámegillii.
Teavsttas-hupmamii vuogádat galgá ráhaduvvot dábálaš geavaheapmái, ja galgá sáhttit lohkat iešguđet teakstašlájaid, ja gieđahallat buot sámegiela grammatihka ja riektečállima beliid dohkálaš vugiin.
Gulahalli
Sámedikki presideanta Aili Keskitalo, tel. +47 971 29 305