Sámediggeráđđi juolluda 225duhát ruvdnosaš doarjaga lullisámi fágagirjái duojis. Sámediggeráđđi Thomas Åhren dadjá ahte girji nannešii lullisámi duoji ja árbedieđu.
Sijti Jarnge Árbordis áiggošii almmuhit lullisámi duodjetearpmaid fágagirjji. Girji sisdoallá tearpmaid ja govaid mat čilgejit iešguđet ávdnasiid, vugiid ja gárvves buktagiid.
Terminologiija galgá maid leat oassin lullisámi digitála neahttasátnegirjjis - http://www.baakoe.org, mii lea Romssa universitehta ja Sámedikki gaskasaš ovttasbargu.
Sámediggeráđđi Thomas Åhren sávvá ahte fágagirji bovttášii beroštumi lullisámi duodjái erenoamážit nuoraid gaskkas.
-Gávdnojit ollu tearpmat ja dajaldagat mat eai leat beaivválaš anus, ja danne lea deaŧalaš daid čohkket girjái mat leat buorit govat, dadjá Åhren.
Eanet dieđut:
Sámediggeráđđi Thomas Åhren, +47 908 39 663