Sámedikki ráđđi juolluda 260 000 ru. Duoddara Ráfe vuođđudussii bargat bihtánsámegiela sátnegirjjiin. Sámedikki presideanta Aili Keskitalo lohká sátnegirjji dehálažžan bihtánsámegiela ealáskahttinbarggus.
Gielladutki Josh Wilbur lea guhkit áigge bárgan gárvvistit bihtánsámegiela sátnegirjji. Wilbur lea ovdalis rahkadan bihtámesámegiela grámmatihkka girjji.
Girji álmmuhuvvo vuos ruota gillii, dásto dárogillii.
Sámedikki presideanta Aili Keskitalo lohká ilus vuordit sátnegirjji, go šaddán miellagiddevažžan oahppat muhtin sániid bihtánsámegillii.
-Sátnegirji šaddá dehálažžan bihtánsámegiela nannemii ja boahtte áigái. Erenomážit nuoraide geat háliidit oahppat bihtán sámegiela, lohká Sámedikki presideanta Aili Keskitalo.
Loga eambbo:
http://www.beiarn.kommune.no/duoddara-rafe---pitesamisk-senter
Eanet dieđut: Sámedikki presideanta, Aili Keskitalo, 971 29 305