Vuoigatvuođa oažžut oahpahusa sámegielas sáhttá gáibidit olles skuvlamannolagas, vaikko mánná ii leat ge álgán sámegielain vuosttaš luohkás. Sámi ohppiin lea vuoigatvuohta gáibidit sámegiella oahpahusa joatkkaoahpahusas, vaikko ii leat leamaš sámegiella fágan vuođđoskuvllas. Vaikko ii leat go okta oahppi gii háliida sámegiella oahpahusa, de lea skuvlaeaiggádis geatnegasvuohta bidjat johtui oahpahusa dán fágas.
Go leat unnimusat 10 oahppi ovtta suohkanis mii ii gula sámegiela hálddašanguvlui, geat gáibidit oahpahusa sámegillii, de galgá skuvlaeaiggát bidjat johtui dakkár oahpahusa. Dát vuoigatvuohta gusto dušše vuođđoskuvlaohppiide. Dát oahppit geat ožžot oahpahusa sámegillii, galget maid oažžut oahpahusa sámegillii Máhttolokten – sámi mielde. Oahpahusa prinsihpat - sámi gusto dán jovkui ja sii galget oažžut oahpahusa sámi parallealla seammaárvosaš oahppoplánaid mielde.
Jus oahppit dahje vánhemat eai leat duhtavaččat sámi oahpahusain, de sáhttet váidit skuvlaeaiggádii ja Fylkamánnái iežaset fylkkas.