Finnmárkokommišuvdna
Politihkalaš ášši:
Se alle hendelser i saken
Siste hendelse: 16.ođđajagim 2012 Utmarksdomstolen for Finnmark
Kartlegging og anerkjennelse av eksisterende rettigheter i Finnmark.
Kártemis ja dohkkeheames gávdni vuoigatvuođaid Finnmárkkus.
Kártemis ja dohkkeheames gávdni vuoigatvuođaid Finnmárkkus.
Finnmárkokommišuvnna ráđđehus nammadii maŋŋil go 2008 njukčamánus ráđđádalai Sámedikkiin, ja mas lea jođiheaddji ja njeallje eará miellahtu. Sii leat:
- Jon Gauslaa (jođiheaddji)
- Hilde Agathe Heggelund
- Ole Henrik Magga
- Kjell Næss
- Anne Marit Pedersen
Finnmárkokommišuvdna galgá čielggadit geavahan- ja oamastanvuoigatvuođaid dain eatnamiin maid sirdojedje Statskog SF hálddus Finnmárkkuopmodaga háldui geassemánu 1. beaivvi 2006. Ulbmilin lea čielggadit viidodaga ja sisdoalu daid vuoigatvuođain maid Finnmárkku álbmot lea háhkan dáin eatnamiin oamastusa, vieruiduvvan anu, dahje eará riektevuođu, nugomat vieruiduvvan vuoigatvuođaid vuođul. Kommišuvdna konklušuvdna šaddá mearriduvvot maŋŋil go leat árvvoštallan dan geavaheami mii guovllus lea leamašan. Dán árvvoštallamis kommišuvdna árvvoštallá geavaheami guhkkodaga ja sisdoalu, das maiddái ahte leago leamašan sierra vai intensiiva adnu, ja ahte leago geavaheddjiin leamašan doarvái govttolaš doaivva ahte sin adnu lea leamašan lágalaš.
Finnmárkokommišuvnnas lea váldoovddasvástádus ášši dieđuid hárrái. Kommišuvdna ferte ieš fuolahit ahte duohta ja historjjálaš dilálašvuođat mat dárbbašuvvojit vuoigatvuođadili čielggadeames, doarvái bures čielggaduvvojit. Oassin áššedieđuin sáhttá kommišuvdna ohcat njálmmálaš dieđuid ja čálalaš dieđuid nugomat dokumeanttaid jna maid sii dárbbašit. Kommišuvdna sáhttá maiddái čađahit guorahallamiid ja čielggademiid mat leat dárbbašlačča iežaset loahpamearrideapmái. Áššedovdi čielggademiid maid kommišuvdna lea bivdán earáid ráhkadit juohke ovttaskas čielggadeaddji/dutkanásahus ieš ovddasvástidit sisdoalu ektui. Čielggadeamit galget leat vuođđun kommišuvnna konklušuvnnain.
Maŋŋil go Finnmárkokommišuvdna lea gárvvisin čielggadan guovllu de dat ovddida raportta mas galget leat dieđut:
- Gii eatnama oamasta
- Makkár geavahanvuoigatvuođat guovllus leat
- Makkár áššedieđuid kommišuvdna lea atnán vuođđun go lea mearridan nu movt lea
Finnmárkokommišuvnna raporta galgá almmuhuvvot, ja Finnmárkkuopmodat galgá juogo dohkkehit dahje hilgut kommišuvnna konklušuvnnaid. Finnmárkokommišuvdna soabahit jus bealit eai leat ovttamielalačča kommišuvnna konklušuvnnain.
Finnmárkokommišuvnna ja Finnmárkku Meahcceduopmostuolu láhkaásahus.