Rabas ohcanáigemearri
Doarjjaortnega mihttomearri
- Ealli ja juohkelágan sámi kultureallin
Ortnega doarjjaoažžut:
- Fitnodagat
- Organisašuvnnat
- Stáhtaásahusat
- Prošeavttat kulturdoaluide sámi nášunalbeaivve oktavuođas, de leat suohkaniin/gielddain ja sámi ásahusain/organisašuvnnain vejolaš ohcat doarjaga
Ii addojuvvo doarjja Norggas registrerejuvvon olgoriikka fitnodagaide.
Institušuvnnat geat ožžot njuolgadoarjaga Sámedikki bušeahta, ii leat vuoigatvuohta oažžut doarjaga.
Suohkaniin/gielddain ii leat vejolaš ohcat doarjaga earet go kulturdoaluide sámi nášunalbeaivve oktavuođas.
Doarjaga sáhttá ohcat čuovvovaš doaibmabijuide:
- Kulturdoalut main deattuhuvvo sámi dáidda, kultuvra ja servodatdigaštallan.
- Prošeavttat mat nannejit ja suodjalit árbevirolaš ja ođđaáiggi kulturilbmadeami.
- Dáiddalaš buvttadeamit.
- Doaibmabijut mat váikkuhit árbedieđuid ja ávnnaskeahtes kulturárbbi bissuma.
- Prošeavttat mat váikkuhit sámi dáidaga ja kultuvrra internašonaliserema ja mat oainnusmahttet sámi dáidaga ja kultuvrra guovddáš riikkaidgaskasaš arenain.
Gáibádus ohcama sisdollui ja hápmái:
- Ohcan galgá čállojuvvot Sámedikki ohcanskovvái.
- Ohcamušat mat eai deavdde ohcaneavttuid šaddet hilgojuvvot.
- Doarjjaoažžus galgá leat dásseárvo- ja máŋggabealatperspektiiva doaimmastis ja iežas bálvalusain ja buktagiin.
- Bušeahtta mii čájeha gollomeroštusa ja ruhtadanplána.
- Sus guhte vuolláičállá ohcama ferte leat fátmadus geatnegahttit institušuvnna.
- Jos ohcci oažžu doarjaga, de galgá dieđihit ahte lea ožžon doarjaga Sámedikkis doaibmabidjui/prošektii.
Meroštallannjuolggadusat:
- Doarjaga vuolimus rádjá lea 10 000 ru. Eanemus doarjja lea 200 000 ru.
- Go ohca artistahonorarat ja mátkedoarjja sámi artisttaide ja kulturbargiide galgá čálalaš šiehtadus gaskal artistta ja lágideaddji leat mielddusin ohcamii. Artistta honoráragáibádus galgá boahtit ovdan šiehtadusas. Honorára galgá ruhtaduvvot ovttas lágideddjiin. Sámedikki oassi honoráras lea ráddjejuvvon bajás guvlui 15 000 ruvdnui. Dasa lassin sáhttá oažžut mátkedoarjaga, eanemusat 10 000 ru.
- Ii addojuvvo doarjja doaibmabijuide mat lohkkojuvvojit gullat ásahusa/organisašuvnna doaibmabargamušaide, dahje prošeavttaide mat leat doaibmaláganat.
- Ii ge addojuvvo doarjja spesifiserekeahtes goluide, sosiála goluide ja investeremiidda.
Doarjja ii addojuvvo:
- Semináraide
- Konferánssaide
- Kultuvrralaš skuvlalávkii
Meannudanáigi:
Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11. Gaskaboddasaš dieđáhus hálddašanáššiin sáddejuvvo maŋimusat mánu maŋŋágo mii leat ožžon ohcama.
Gulahallandieđut
Silja Somby, tlf +47 78 48 42 30, Inger Tjikkom, tlf: +47 78 47 40 45, Nanni Mari Westerfjeld, tlf: +47 78 47 40 25, Emma Margret Skåden, tlf: +47 78 47 41 01,