Sámediggeráđđi juolluda 500 duhtát ruvnnu doarjjan sávzaboandái Kero Arild Wiltmann Unjárggas lábbá- ja sávzabuktagiid viidáseappot ráhkadeapmái.
Sávzadoanda Kero Arild Wiltmann doaimmaha bearašfitnodaga Unjárggas man ulbmilin lea ásahit barggu guovtti olbmui.
Sámediggeráđđi Silje Karine Muotka dadjá ahte lábbábierggu viidáseappot ráhkadeapmi sáhttá lasihit árvoháhkama dállodoalus ja sihkkarastit sisaboađu bearrašii.
-Sámedikki mihttomearri lea veahkehit dakkár ruhtademiin mii váikkuha báikkálaš viidáseappot ráhkadeapmái ja eanet sámi guovlluid álgoávdnasiid vuovdimii, dadjá sámediggeráđđi Silje Karine Muotka.
Son doaibu ahte ollu eanebut sámi guovlluin áŋgiruššet báikkálaš resurssaid buvttademiin ja viidáseappot ráhkademiin.
-Sámediggeráđđi sávvá Kero Arild Wiltmannii lihku áŋgiruššamiin, dadjá Muotka.
Eanet dieđuid addá Sámediggeráđđi Silje Karine Muotka, 984 87 576