Sámediggi 2016 Dáiddárkonferánsa dollojuvvo miessemánu 10. ja 11. Beaivvi miessemánus. Váldofáddán dán jagi lea lávdedáidda ja politihkalaš dáidda.
Sámediggi lágida goalmmát geardde dáiddárkonferánsa ovttasráđiid Sámi Dáiddaráđđi. Dán jagi šaddá váldofáddán lávdedáidda ja dáidda politihkalaš reaidun.
- Lávdedáidagiin fátmmastit mii buot dáiddasurggiin: luođi, giela ja teavstta, musihka,dánsuma,filmma ja visuála dáidaga. Mii áigut maid digaštallat makkár árvvut ja mihtut mis leat iežamet dáidagii, fágalaččat, politihkalaččat ja kultuvrralaččat, aktonasat ja ovttaskasat dadjá Sámi Teáhtersearvvi jođiheaddji Ada Einmo Jürgensen.
Konferánssa áiggi ságastallajuvvo maiddái sámi girjjálašvuohta, sámi musihka ja juoigan.
- Konferánsa lea šaddán deháleamos fágalaš árenan sámi dáiddáriidda ja midjiide politihkkariidda lea dát dehálaš deaivvadanbáikin oažžut buriid fágalaš oaiviliid iežamet bargui. Sámi dáiddárat leat guhka leamaš dehálaččat eavttuid bidjamis sámi politihkas ođđaset áiggis. Mii oaidnit sii leat ain njunnošis rahčame ja bidjame agenda servodat digaštallamis, dadjá Sámediggeráđđi Henrik Olsen.
Diehtu dieđiheami birra boahtá manjelas.