Mo sáhtášii nannet sámi giela, kultuvrra ja ealáhusaid Álttás? Sámediggi ja Álttá suohkan háliidivčče oažžut evttohusaid dus!
Áltá lea dat gávpotsuohkan Finnmárkkus gos ásset eanemus sápmelaččat ja danne háliidit bealit gáhttet sámi giela ja kultuvrra Álttás buorebut go dál dahkkojuvvo. Álttá suohkanstivrra ja Sámedikki ovttajienalaš mearrádusa vuođul ráhkaduvvo dál ovttasbargošiehtadus.
Šiehtadus hábmejuvvo Álttá suohkana servodatplána mielde. Servodatplánas leat čuovvovaš váldosuorggit:
Dán jagi skábmamánu 4. beaivve lágiduvvo cealkámuškonferánsa gos sihke fágaolbmot, politihkkárat ja Álttá álbmot besset digaštallat šiehtadusa sisdoalu Sámedikki politihkalaš ja hálddahuslaš áirasiiguin. Mii háliidit dál juo oaiviliid ovttaskas olbmuin, servviin, ja beroštusjoavkkuin šiehtadusa sisdoalu birra .
Mii háliidit dál juo evttohusaid ovttaskas olbmuin, servviin ja beroštusjoavkkuin šiehtadusa sisdollui. Go deaddilat liŋkka dás vuolábealde, de boađát digitála skovvái man bokte sáhtát sáddet midjiide iežat oaiviliid.
Buot cealkámušat vurkejuvvojit almmolaččat journálii nu ahte juohkehaš guhte háliida, galgá beassat daid oaidnit.