Sámediggeráđđi lea mearridan ahte Sámediggi oassálastá Finnmárkku Pride:s. Olggobealde sámediggevistti galgá leavga libardit 15. b. borgemánu, mii lea dehálaš symbola homofiillaid vuoigatvuođa- ja identitehtarahčamis.
-Mu mielas heive bures almmuhit dan juste dál go lea EuroPride ávvudeapmi Oslos. Lávvordaga galgá okta sámi oassi parádas čájehuvvot, ja go oaidná dáid reakšuvnnaid mat leat čuožžilan ávvudeame oktavuođas sámiin de čájeha dađibahábut ahte mis lea dehálaš bargu bargat dán oktavuođas ovdal oažžut dievaslaš dohkkehusa olbmuid earálágánvuhtii sámi servodagas, lohká ráđđelahttu Henrik Olsen.
Sámediggeráđđi háliida váikkuhit ahte bonju sápmelaččat sáhttet eallit rabasvuođas ja čeavláivuođas, lohká Olsen.
- Mii álgit čájehit iežamet doarjaga, ja levgen Finnmárkku Pride oktavuođas oaivvildan mun ahte dat sádde signálaid sámi servodagas. Mii berrešeimmet buohkat čájehit ahte eat dohkket hiddjádusa ja vealaheami ráhkisvuođa geažil guovtti olbmo gaskka, loahpaha Olsen.
Gulahallanolmmoš:
Ráđđelahttu Henrik Olsen, tlf. 907 75 219