Keskitalo ávvuda guovvamánu 6. beaivvi Staares, Ruoŧa bealde Sámis. Doppe lea ávvujahki, go lea 100 jagi áigi go vuosttaš sámi riikkačoahkkin lágiduvvui Ruoŧas.
– Lea stuora illun munnje go beasan čuovvut 100-jagi ávvudeami Ruoŧa bealde Sámi. Mii leat okta álbmot beroškeahttá riikkarájáid ja váimmustan sávan ahte Staare 2018 doalut lihkostuvvet seamma bures go Tråante 2017, dadjá Keskitalo.
Olles sámediggeráđđi lea Staares dán vahku ávvudeame ja čuovvume čoahkkimiid.