Sámediggi lea mánáidgárdeprošeavtta SáMOS (Sámi mánát ođđa searvelanjain) olis almmuhan girjji Maanaj gaavhtan/Mánáj diehti/Unna olbmožiid dihte/Med tanke på barna, ja SáMOS-seahka man siste leat guksi, čáhcebohtal, biebmolihtti, refleaksaveasta, sleđggon ja buffa.
Girji lea mánáidgárddiide vai bargit besset lohkat ja SáMOS-seahkka lea ges mánáidgárdemánáide sámi mánáidgárddiin dahje mánáidgárddiin gos leat sámi mánát.
Buktagiid sáhttá diŋgot njuolga eboastta bokte: ellen.janne.siri@samediggi.no, dahje ovttas.no neahttabáikki bokte.
Čális diŋgojumis mánáidgárddi nama ja čujuhusa, ja man galle seahka ja girjji áiggut.
Juovlamánnu 2019: Sámedikkis leat nohkan seahkat ja dan dihte ii daid sáhte šat diŋgot, muhto girjji gal ain sáhttá diŋgot.
Jus earát áigot oastit girjji Maanaj gaavhtan/Mánáj diehti/Unna olbmožiid dihte/Med tanke på barna, de máksá dat 180 ruvnno ja sáhttá diŋgojuvvot seamma sajis.