Mánáidgárdi: sámi mánáidgárddit ja mánáidgárddit main lea sámegielossodat
Geat sáhttet oažžut doarjaga?
- Sámi mánáidgárddit
- Sámi ossodagat dáža mánáidgárddiin
- Mánáidgárdeeaiggádat/álggaheaddjit geain lea áigumuš ásahit ođđa sámi mánáidgárdefálaldaga
Sámi mánáidgárdi lea mánáidgárdi mii njuolggadusaiguin lea mearridan ahte mánáidgárdi doaimmahuvvo sámi giela ja kultuvrra vuođul. Mánáidgárdi galgá nannet mánáid identitehta sápmelažžan dainna lágiin ahte dat ovddida sámegiela geavaheami ja gaskkusta sámi kultuvrra. Mánáidgárddi jođihit sámegielat pedagogalaš bargit. Mánáidgárddi bargit hállet sámegiela ja doaibmagiellan lea sámegiella.
Sámi ossodat dáža mánáidgárddis lea ossodat mii galgá vuođđudit doaimmas sámi gillii ja kultuvrii. Mánáidgárdi galgá nannet máná identitehta sápmelažžan dan bokte ahte ovdánahttit sámegiela geavaheami ja sámi kultuvrra gaskkusteami bokte. Ossodaga bargit leat sámegielagat ja doaibmagiellan lea sámegiella.
Masa sáhttá oažžut doarjaga?
Doarjja galgá geavahuvvot lassigoluide mat leat sámi giellaoahpahusa čađaheami dihte. Dakkár lassigolut sáhttet leat:
- Bálká sámegielat bargiide
- Bálká/máksu resursaolbmuide
- Golut dakkár lágideami organiserema oktavuođas mat ovddidit ja nannejit sámi giela ja kultuvrra.
- Golut gelbbolašvuođa loktema oktavuođas sámi gielas, kulturipmárdusas, kulturgelbbolašvuođas ja sámi árbedieđus.
- Golut geavahangálvvuid oastimii mat geavahuvvojit go čađaha plánejuvvon doaimmaid nannen dihtii sámi giela ja kultuvrra.
Man ollu sáhttá oažžut?
- Vuođđomearri ossodaga nammii lea gitta 70 000 ru rádjai.
- Vuođđomearri bearašmánáidgárdái lea gitta 45 000 ru rádjai.
- Gitta 30 000 ru rádjai sámegielat bargi nammii olles virggis mánáidgárddis, ráddjejuvvo bajás guvlui guovtti sámegielat bargi nammii ossodagas. Oasseáigevirggiide addojuvvo doarjja virggi sturrodaga mielde.
Eará gáibádusat:
Mánáidgárddis mii lea sámegiela hálddašanguovllus, galgá mánáidgárddi doaibma leat vuođđuduvvon sámi gillii ja kultuvrii. Dát guoská maiddái bearašmánáidgárddiide.
Mánáidgárddi jahkeplánas galgá oidnot makkár doaibmabijut galget čađahuvvot nannet sámi giela ja kultuvrra.
Mánáidgárddis galget leat sámegielat bargit, geat árjjalaččat geavahit sámegiela sihke mánáid ja ollesolbmuid gaskka.
Gielda/mánáidgárdeeaiggát galgá duođaštit ahte mánáidgárdi vuođđuduvvo sámi gillii ja kultuvrii, ja ahte doppe leat sámegielat bargit ja sámegiella lea doaibmagiellan.