Dása sáhtát oažžut doarjaga:
- Ovddidandoaimmaide ja investeremiidda mat mielddisbuktet arvat ođđaásaheami ja fitnodatovdáneami.
- Ovttasbargoprošeavttaide ja heivehuvvon doaibmabijuide mat mielddisbuktet fitnodat- ja ealáhusovdáneami.
- Ealáhusorganisašuvnnaide mat váikkuhit aktiivvalaš ovdáneapmái sámi guovlluin.
- Ovddidandoaimmaide ja investeremiidda mat mielddisbuktet báikkálaš viidásetbuvttadeami ja eanet dietnasa sámi guovllu biepmuin.
- Lassiealáhusaide boazodoalus.
Gii sáhttá oažžut doarjaga:
- Fitnodagat ja ođđaásaheaddjit bálvalus- ja smávvaindustriijas.
- Vuođđoealáhusdoaimmaheaddjit geat áigot álggahit dahje viidásetovddidit lassiealáhusaid.
- Eará aktevrrat mat barget ealáhusovddidemiin.
- Sámi berošteaddji- ja ealáhusorganisašuvnnat.
- ovttaskas olbmot dahje doaimmahusat árra álggahanfásas.
Ná olu sáhtát oažžut doarjaga:
- Gitta 35% rádjái investeremiin ja eanemusat 500 000 ruvnno.
- Ovddidandoaimmaide ja investeremiidda mat váikkuhit báikkálaš viidásetbuvttadeapmái ja eanet dietnasa sámi guovllu biepmuin, lassiealáhusaide boazodoalus, lotnolas- ja meahcástanealáhusaide sáhtát oažžut gitta 50% doarjaga investeremiidda ja eanemusat 500 000 ruvnno.
- Sámi beoršteaddji- dahje ealáhusorganisašuvnnat sáhtte oažžut gitta 70% doarjaga, eanemusat 80 000 ruvnno.
Čuovvovaš mildosat galget leat ohcama mielde:
- Prošeaktačilgehus mas lea:
- Prošeavtta mihttomearri oktan oassemihttomeriiguin
- Ohcama ákkastallan
- Ovdánanplána
- Gilvaleddjiid válddahus
- Oastiválddahus
- Prošeavtta čađahanvejolašvuohta / riskaárvvoštallan
- Fágalaš sisdoallu ja čanastat
- Bušeahtta mas lea gollomeroštallan mat leat doaibmabiju ja ruhtadanplána ektui.
- Goluid galgá duođaštit haddefálaldagain
Eará doarjjaeavttut: Geahča doarjjanjuolggadusaid máŋggabealat ealáhusaide, árvoháhkamii ja ođđaásaheapmái.
Geainna válddát oktavuođa: Seniorráđđeaddi Per Oskar Andersen, tlf. 78 47 40 15
Dát gielddat lea mielde Ealáhusovddideami doarjjadoaibmaguovllus (SED-guovlu)