Geasuheaddji báikegottit
Ohcanáigemearri: Ii leat.
Sámediggi áŋgiruššá doaibmabijuiguin mat sáhttet váikkuhit buriid báikegottiide. 2015:s sáhtát ohcat doarjaga iešguđet doaibmabijuide mat váikkuhit ealáhusovdáneapmái máŋgga suorggis.
Ealáhuseallin ja fitnodatovddideapmi
- Sámediggi sáhttá addit doarjaga dakkár ovddidandoaibmabijuide ja investeremiidda mat váikkuhit stuorra fitnodatovddideapmái.
- Sámediggi sáhttá addit doarjaga ovttasbargoprošeavttaide ja lágideaddji doaibmabijuide mat váikkuhit fitnodat- ja ealáhusovddideapmái.
Gii sáhttá ohcat?
Ovttaolbmofitnodagat ja fitnodagat, ásahusat ja organisašuvnnat mat leat registrerejuvvon ovttadatregistarii.
Man ollu doarjaga sáhttá ohcat?
Sámediggi sáhttá doarjut gitta 35 % rádjai dohkkehuvvon gollomeroštallamis, eanemusat 500 000 ru.
Eanet dieđuid – geahča ohcanskovi ja Sámedikki njuolggadusaid ortnega várás.
Gulahalli: Per Oskar Andersen, tel: +47 78 47 40 15
Meahcceealáhusat, viidásat ráhkadeapmi, Sámi mátkeealáhusat ja Sámi kulturealáhusat
- Sámediggi sáhttá addit doarjaga investeremiidda mat geavahit álgoávdnasiid sámi guovlluin viidásat ráhkadeapmái ja lassi gávpejoru
- Sámediggi sáhttá addit doarjaga sámi mátkeealáhusfitnodagaide ja vásihusvuđot mátkeealáhusdoaimmaide, main lea eaktivuohta ja jáhkehahttivuohta guovddážis.
- Sámediggi sáhttá addit doarjaga fitnodagaide mat áŋgiruššet kulturealáhusaiguin, mas sámi kulturovdanbuktin lea doaimma guovddážis.
Gii sáhttá ohcat? Ovttaolbmofitnodagat ja fitnodagat, ásahusat ja organisašuvnnat mat leat registrerejuvvon ovttadatregistarii.
Man ollu doarjaga sáhttá ohcat?
Sámediggi sáhttá doarjut gitta 50 % rádjai dohkkehuvvon gollomeroštallamis, eanemusat 500 000 ru.
Eanet dieđuid – geahča ohcanskovi ja Sámedikki njuolggadusaid ortnega várás.
Gulahalli:
Meahcceealáhusat, viidásat ráhkadeapmi, Sámi mátkeealáhusat: Seniorráđđeaddi Jørn Gunnar Olsen, tel: +47 99 30 78 06
Kulturealáhusat ja Sámi mátkeealáhusat: Ráđđeaddi Ragnhild Dalheim Eriksen, tel: +47 78 47 40 88
Álggahanstipeanda
Sámediggi sáhttá addit doarjaga álggaheddjiide meahcceealáhusain ja viidásat ráhkadeamis, Sámi mátkeealáhusain dahje Sámi kulturealáhusain.
Gii sáhttá ohcat?
Ovttaskasolbmot ja fitnodagat mat leat álggahuvvomin ja áigo ovddidit meahcceealáhusaid ja viidásat ráhkadeami, Sámi mátkeealáhusaid dahje Sámi kulturealáhusaid.
Man ollu doarjaga sáhttá ohcat?
- Sáhtát ohcat gitta 75 % rádjai stipeandda dohkkehuvvon goluin, eanemusat 200 000 ru.
- Iežas bálká sáhttá leat gitta 12 000 ru rádjai mánnui.
- Plánemii ovdal fitnodatálggaheami (plánenmuttus) sáhttá addojuvvot doarjja iežas bálkái eanemusat 6 mánu ovddas,
- ieš álggaheami oktavuođas (álggahanmuttus) eanemusat 12 mánu ovddas.
- Iežas bálká sáhttá uhciduvvot jus stipeandaoažžus lea eará dienas stipeandaáigodagas.
Eanet dieđuid – geahča ohcanskovi ja Sámedikki njuolggadusaid ortnega várás.
Gulahalli: Seniorráđđeaddi Jørn Gunnar Olsen, tel: +47 99 30 78 00
Ohcamat árvvoštallojuvvojit ekonomalaš, márkaniidda guoski, teknihkalaš, servodatávkkálaš, dáiddalaš, fágalaš ja eará guoskevaš beliid vuođul. Ovdamearkka dihtii sáhttá ohcci bivdojuvvot čájehit dasa ahte investeren váikkuha stuorát gávpejorrui, eanet barggolašvuhtii, dahje stuorát gánnáhahttivuhtii jna.
Váldde áinnas oktavuođa áššemeannudeddjiin ovdalgo sáddet ohcama oažžun dihtii eanet dieđuid.
Sámediggi lea várren oktiibuot 10 miljon ru. dakkár doaibmabijuide mat váikkuhit Geasuheaddji báikegottiide.
