Máŋggalágan ealáhusdoaibma

Eretfárren sámi guovlluin  dagaha stuorra hástalusaid olmmošlogu bisuheami ektui. Lassin bargosajiide de lea maiddái dehálaš bisuhit geasuheaddji báikegottiid gos nuorat háliidit orrut. Danin lea Sámediggái dehálaš ovttasbargat suohkaniiguin ja earáiguin geain lea ovddasvástádus čađaheames doaibmabijuid earret eará infrastruktuvrra, kultuvrra- ja skuvlafálaldagaid oktavuođas.

Sámedikki áigumuš lea:

• Geasuheaddji ja eallás sámi báikegottiid.
• Ovdánahttit bargosajiid máŋggalágan ealáhusdoaimmain.
• Oaččuhit eanet bargosajiid sámi kulturealáhusain.
• Lasihit professionaliserema ja kommersialiserema sámi kulturealáhusain.

Ovttabealat ealáhusdoaibma sáhttá heajos ládje váikkuhit báikegottiide jus ealáhusdoaibma fáhkkestaga rievdá. Nu movt  Porsáŋggus, Mátta-Várjjagis ja Muofis gos šadde čađahit stuorra nuppástusproseassaid maŋŋil bargiidlogu unnideami dihte.

Sámediggi áigu galledit ealáhusfitnodagaid dihto suohkaniiguin ja deaivvadit fitnodatálggaheddjiiguin ja ealáhusdoaimmaheddjiiguin.

Sámi kulturealáhusain lea dárbu ovdánahttit buktagiid ja fierpmádathuksema

Sámediggi áigu ásahit máŋggabealálaš ealáhusdoaimma dakko bakte go mii:

• Vuorruhat nissonlaš ealáhushutkosa
• Vuoruhit nuorra ealáhushutkosa joatkkaskuvllain
• Aktiivvalaččat bargat sámi guovlluid suohkaniid ektui
• Lágidit jahkásaš čoahkkimiid suohkana dásis mas fáddán galgá leat ealáhus- ja servodatovdáneapmi.

Dát vástida dan maid Sámedikki sámeguovlluid ealáhusovdáneami  dieđáhusas daddjo.