FISKERIMELDING.pdf 79,29 kB
Mieđihuvvui dan Sámedikki gáibádussii ahte sii geat bivdet dorski riidoguolástusearis davábealde 62. govdodatgráda, galget oažžut stuorát eriid. Earit lasihuvvojit dál 12 tonnii juohke fatnasa nammii. Sámediggeráđđelahttu Silje Karine Muotka lea duđavaš Guolástusdirektoráhta mearrádusain.
-Dát duođaid illudahttá. Dál lea ge buoremus bivdoáigi stuorra osiin Finnmárkku, ja danne livččii boastut bissehit bivddu, lohká Muotka.
-Mearrádus lea riekta ja dat mearkkaša ahte guolásteaddjit besset bivdit eanet vuotnabivdoeriin, lohká Muotka. Dát earri gullá vuotnaguolásteaddjiide doaibmaguovllus, iige dego balkkašupmin daid stuorát fátnasiidda loahpageahčen jagi, loahpaha Muotka.
Gulahalli: Ráđđelahttu Silje Karine Muotka
FISKERIMELDING.pdf 79,29 kB