Sámediggi lea várren 500 000 ru jagi 2015 bušeahtas Njávdáma nuortalaš gili barggu oktavuođas, Mátta-Várjjaga gielddas. Jagi 2015 áigge leat plánejuvvon čađahuvvot máŋga barggu nuortalaš gilis.
- Njávdáma nuortalaš gilli lea deaŧalaš sámi kulturmuitoguovlu mii addá midjiide ja boahttevaš buolvvaide buoret máhtu ja dieđuid boares nuortasámi árbevieruid ja eallindili birra, cealká sámediggeráđđi Thomas Åhrén.
Nuortalaš gili kulturmuitoguovlu gullá Sámedikki áŋgiruššamiidda 2015:s. Máŋga láhčindoaibmabiju čađahuvvojit Riikaantikvára suodjalanprográmma siskkobealde válljejuvvon arkeologalaš kulturmuittuid várás (BARK).
BARK mihttomearrin lea ahte dihto válljejuvvon arkeologalaš kulturmuittut ja kulturbiras galget sihkkarastojuvvot guhkesáiggi seailluheami bokte ja dieinna lágiin buktojuvvot olbmuid olámuddui ovdal jagi 2020.
- 2015:s álggahuvvo earret eará bargu oppalaš dásis Njávdáma goržži bivdosadjái beassama ektui. Plánas lea vázzinluotta buorideapmi riikageidnui 893 (Suomageaidnu), ođđa šaldi jogaža rastá ja geahččansajiid hábmen bivdosadjái, ođđa hivssegat vázzingeainnu oktavuhtii ja geahččisadjái biddjojuvvo ođđa holga luosaid vihkkemii ja heŋgemii, deattasta Åhren.
Maiddái ođđa áidi St. Georg kapealla birra, diehtojuohkingalba kulturmuitoguovllu birra ja goavddi ja tráhppá divvun E6-šaldi luhtte leat mielde plánas.
Oktavuohtaolmmoš:
Sámediggeráđđi Thomas Åhren, tel. 908 39 663.