Vuos fertet viežžat Instagrámma prográmma. Dat lea govvajuogadanprográmma mainna sáhtát juogadit govaid. Eaktun dasa ahte aiddo fal du govat bohtet mielde kampánnjii, lea ahte dus lea rabas profiila. Dan iskkat iežat heivehemiid vuolde. Jus it háliit rahpat iežat priváhta profiilla, de sáhtát rahpat lassekonto. Instagrámma prográmma lea nuvttá, nu ahte dat ii mávsse dutnje maidege.
Mo bidjat teavstta govaide?
Doppe leat máŋga prográmma maid sáhttá viežžat nuvttá sihke Google Play:s ja iTune:s. PicLab ja LineCamera sáhttá maid geavahit.
Sámi boallobeavdi mobiltelefovnnas
Dađibahábut ii leat sámi boallobeavdi buot telefovnnain vel. Muhto dattetge leat máŋga vuogi mo sáhttá oažžut sámegielbustávaid mobiillas.
Android-telefovnnaide gávdno davvisámegiela boallobeavdi. Scandinavian keybordsáhttá viežžat Google Play:s. Jus it háliit geavahit Scandinavian keyboard,de lea maid vejolaš geavahitHrvatski, kroáhtalaš boallobeavddi, mii lea juo du telefovnnas. Doppe leat bustávat áčđšž (go guhká deattát bustávaid acdsz), áidna bustávat mat eai leat doppe, leat ŋŧ.
iPhone dahje Nokia telefovnnain ii lea davvisámegiela boallobeavdi. Nu go Android-telefovnnain, de sáhtát geavahit Hrvatski, kroáhtalaš boallobeavddi, mii lea juo du telefovnnas. Doppe leat bustávat áčđšž (go guhká deattát bustávaid acdsz), áidna bustávat mat eai leat doppe, leat ŋŧ.
Julevsámegiella: http://ntec.no/samisk/
Davvisámegiella: http://giellatekno.uit.no/words/dicts/index.nno.html
Lullisámegiella: http://giellatekno.uit.no/words/dicts/index.nno.html
Mo oažžut sámi boallobeavddi dihtorii:
Giellatekno ruovttusiiddus: http://giellatekno.uit.no/doc/infra/docu-keyboard.nno.html lea dárkilit čilgejuvvon mo oažžut sámegiela boallobeavddi dihtorii
Sámi divvunprográmma:
Giellatekno ruovttusiiddus, http://divvun.no/no/index.htm, sáhtát maid viežžat Divvuma, riektečállinreaidu sihke Windows, MacOS, OpenOffice & LibraOffice ja InDesign várás. Dasa lassin leat sihke digitála sátnegirjjit, interaktiiva sámegielkurssat ja mášinvuđot jorgalanbálvalus davvisámegielas dárogillii.