Musihkka
Gierdomátkedoarjagis lea rabas ohcanáigi. Musihkkaalmmuhemiin lea ohcanáigemearri 01.06.2015.
Mihttomearri:
- Sámi musihkka mas lea buorre kvalitehta ja lea eanet guldaleddjiide álki gávdnat.
Gáibádus ohcama sisdollui ja hápmái:
Ohcan galgá čállojuvvon Sámedikki ohcanskovvái, ja galgá beaiváduvvon ja vuolláičállojuvvon. Sus guhte vuolláičállá ohcama, ferte leat fátmadus geatnegahttit fitnodaga/institušuvnna. Ohcci lea geatnegahttojuvvon almmuhit Sámediggái buot dáid dieđuid mat dárbbašuvvojit ohcama meannudeapmái, maiddái dieđuid vejolaš eará almmolaš doarjagiid birra.
Čálalaš soahpamuš artista ja lágideaddji gaská galgá mielddusin ohcamis. Artista honorára gáibádus galgá boahtit ovdan soahpamušas.
Čuovvovaš doaibmabijuide sáhttá ohcat doarjaga:
- Čájálmasmátkedoarjaga
- Konsertii
- Artistahonoráraid ja mátkedoarjaga sámi artisttaide ja kulturbargiide
Čájálmasmátkedoarjja:
Badjerádji čájálmasmátkedoarjagis lea 50 000 ru. Doarjja gokčá goluid mat lunddolaččat leat čájálmasmátkedoaimmas, dakko bokte:
- Márkanfievrredeapmi
- Mátkegolut/orostallan/biebmu
- Teknihkalaš golut
- Golut jitnii ja čuvgii
Konsearta:
Doarjja ovttaskaskonsearttaide lea10 000 ru. rádjai. Doaibmabidju galgá čađahuvvot ja ruhtaduvvot ovttas lágideddjiin.
Artistahonorára ja mátkedoarjja sámi artisttaide ja kulturbargiide:
Honorára galgá ruhtaduvvot ovttas lágideddjiin. Sámedikki honoráraoassi sáhttá badjerádjái dahkat 50 %, ráddjejuvvon bajás 15 000.- ru. rádjai. Dasa lassin sáhttá juolludit mátkedoarjaga, meroštallon bajás 10 000.- ru. rádjai.
Áššemeannudanáigi:
Ohcci sáhttá vuordit vástádusa ohcamii 3 mánu maŋŋel go mii leat ožžon ohcama, gč. hálddašanlága § 11. Gaskkaboddosaš diehtu hálddašanáššis sáddejuvvo ovtta mánu siste dan rájes go ohcan lea boahtán Sámediggái.
Gulahallanolbmot:
Ragnhild Vassvik, tlf. 78 47 41 54 ragnhild.vassvik@samediggi.no
Emma Margret Skåden, tlf. 78 47 41 01 emma.margret.skaden@samediggi.no
Inger Tjikkom, tlf. 78 47 40 45 inger.tjikkom@samediggi.no
