Rabas ohcanáigemearri
Doarjjaortnega mihttomearri:
Luđiid ja sámi musihka oainnusmahttin ja gaskkusteapmi sisriikkas ja olgoriikkas, maiddái sámi musihka sihke árbevirolaš ja ođđa vugiin.
Ortnega doarjjaoažžut:
- Fitnodagat
Ii addojuvvo doarjja Norggas registrerejuvvon olgoriikka fitnodagaide (NUF).
Gielddain/suohkaniin ja stáhtaásahusain ii leat vuoigatvuohta oažžut doarjaga.
Čuovvovaš doaibmabijuide sáhttá ohcat doarjaga:
- Sámi musihkkáriid ja artisttaid promoteren, maiddái gierdomátkedoarjja, musihkkavideo, internašonaliseren ja management.
Gáibádus ohcama sisdollui ja hápmái:
- Ohcan galgá čállojuvvot Sámedikki elektruvnnalaš ohcanskovvái.
- Ohcamušat mat eai deavdde ohcaneavttuid šaddet hilgojuvvot.
- Doarjjaoažžus galgá leat dásseárvo- ja máŋggabealatperspektiiva doaimmastis ja iežas bálvalusain ja buktagiin.
- Bušeahtta mii čájeha gollomeroštusa ja ruhtadanplána.
- Sus guhte vuolláičállá ohcama ferte leat fátmadus geatnegahttit institušuvnna.
- Jos ohcci oažžu doarjaga, de galgá dieđihit ahte lea ožžon doarjaga Sámedikkis doaibmabidjui/prošektii.
Meroštallannjuolggadusat:
Gierdomátkedoarjja:
Eanemus doarjja gierdomátkkiide lea 50 000 ru. Doarjja gokčá dakkár goluid mat lunddolaččat gullet gierdomátkedoaimmaide, dás maiddái:
- Vuovdaleapmái/promoteremii
- Mátkegoluide
Sámi musihkkáriid riikkaidgaskasaš promoteremii:
Eanemus doarjja riikkaidgaskasaš promoteremii lea 50 000 ru. Doarjja gokčá dakkár goluid mat lunddolaččat gullet gierdomátkedoaimmaide, dás maiddái:
- Vuovdaleapmái/promoteremii
- Mátkegoluide
Musihkkavideo:
Eanemus doarjja lea gitta 50 000 ru.
Meannudanáigi:
Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11. Gaskaboddasaš dieđáhus hálddašanáššiin sáddejuvvo maŋimusat mánu maŋŋágo mii leat ožžon ohcama.
Gulahallandieđut:
Inger Tjikkom, tel: +47 78 47 40 45, Emma Margret Skåden, tel: +47 78 47 41 01, Nanni Mari Westerfjeld, tel: +47 78 47 40 25, Silja Somby, tel +47 78 48 42 30