Sámediggepresideanta Aili Keskitalo áigu galledit buot gielddaid ja fylkkagielddaid mat gullet sámegiela hálddašanguvlui. Ulbmilin lea ságastallat guovttegielalašvuođa barggu birra.
Sámediggi juolluda 48, 4 miljon ruvnnu guovttegielatvuođa doarjaga gielddaide ja fylkkagielddaide mat leat hálddašanguovllu siskkobealde.
-Sihke gielddat ja fylkkagielddat leat dehálaččat giela ovddideamis ja nannemis, go sis lea ovddasvástádus eaŋkilolbmuide fuolahit bálvalusaid ja maid addit sámegillii dáid bálvalusaid, lohká sámediggepresideanta Aili Keskitalo.
Sámediggi lea dahkan ovttasbargošiehtadusaid buot hálddašanguovllu gielddaiguin ja fylkkagielddaiguin guovttegielatvuođaruđaid geavaheami hárrái. Šiehtadusaid čuovvoleami oktavuođas áigu sámediggepresideanta Aili Keskitalo deaivvadit sátnejođiheddjiiguin ja gulahallat gielddaid guovttegielalašvuođa barggu birra.
Mátkeplána:
14.01.14. Dii. 13.00 – 15.00: Deanu gielda, ráđđeviesus
15.01.14. Dii. 09.00 – 11.00: Unjárgga gielda, Isak Saba Guovddážis
17.01.14. Dii. 09.00 – 11.00: Poršáŋgu gielda, ráđđeviesus
17.01.14. Dii. 13.30 – 15.30: Kárášjoga gielda, ráđđeviesus
07.02.14. Dii. 10.00 – 12.00: Guovdageainnu suohkan, ráđđeviesus
Váhkku 7 - 10.02.14 - 13.2.14 lea plánen čoahkkimiid : Romssa fylkkasuohkaniin, Gáivuona suohkaniin, Loabága suohkaniin, Nordlánda fylkasuohkanin ja Divtasvuona suohkaniin
Váhkku 18 – 29.4.14 – 30.4.14 lea plánen čoahkkimiid: Raavrevïhken tjïelte, Snåasen tjïelte ja Noerhte-Trööndelagen fylhkentjïelte
Finnmárkku fylkkagielddain maid pláne deaivvadit. Dat áigi ii leat vel šihttojuvvon.
Sámediggepresideanta Aili Keskitalo muitala ahte ovttasbargošiehtadusat gaskal Sámedikki ja gielddaid ja fylkkagielddaid guovttegielalašvuođadoarjaga geavaheamis galget árvvoštallojuvvot boahtte jagi.
Eanet dieđut: Sámediggepresideanta Aili Keskitalo, 971 29 305 dahje gulahallandirektevra Jan Roger Østby, 481 44 696