Sámi lohkanguovddáš
Sámi lohkanguovddáš lea resursaguovddáš mii erenoamážit bargá oahpahusvuogádahkii buorrin, mánáidgárddi rájes gitta alit oahpu dási rádjai.
Sámi lohkanguovddáš bargá viidát ovddidit njálmmálaš ja čálalaš sámegielgeavaheami álbmogis. Sámi lohkanguovddáš fállá kurššaid, rávvema ja bagadallama mii lea heivehuvvon mánáidgárde- ja vuođđoskuvladássái ja maiddái joatkkaoahpahussii.
Netsam - sámi oahpahusfierpmádat
NetSam lea riikkaviidosaš fierpmádat sámi oahpahusa várás mii galgá leat ávkin oahpaheddjiide ja earáide geat oahpahit sámegielas ja sámegillii. Vuođđudeami duogáš lea sámi “Oahpaheaddjifierpmádaga čielggadeapmi” (2010) maid Sámediggi lei diŋgon Sámi allaskuvllas. Fierpmádaga álggaheami lea Sámediggi ja Sámi lohkanguovddáš ruhtadan.
Oahpponeavvouskkádat Ovttas|Aktan|Aktesne
Ovttas|Aktan|Aktesne lea oahpponeavvouskkádat gosa leat čohkkejuvvon dieđut sámi oahpponeavvuid birra. Dáppe sáhttá maid luoikkahit oahpponeavvuid. Dán uskkádagas lea maid juogadanarena gos oahpaheaddjit ja earát sáhttet juogadit earret eará oahpponeavvuid, govaid ja dokumeanttaid. Uskkádagas lea publiserenreaidu digitála oahpponeavvuide.
Ovttas|Aktan|Aktesne álggahuvvui ovttasbargoprošeaktan gaskal Sámedikki ja IKT guovddáža jagis 2010 ja sirdojuvvui Sámi lohkanguovddážii suoidnemánu 2013 rájes bistevaš doaibman. Oahpponeavvouskkádaga ruhtada Sámediggi ja Máhttodepartemeanta.
Oahpahusdirektoráhtta
Oahpahusdirektoráhtta lea Máhttodepartemeanta vullosaš etáhta mii lea mánáidgárdde, vuođđoskuvlla ja joatkkaoahpahusa várás. Oahpahusdirektoráhtas lea bajit našuvnnalaš ovddasvástádus sihkkarastit ahte našuvnnalaš oahpahuspolitihkka doaimmahuvvo ja ahte mánát ja nuorat ožžot oahpahusa masa sis lea vuoigatvuohta.
Sámediggi ja Sámi oahpponevvohat
Sámedikkis lea iežas sámi oahpponevvohat gos oažžu dieđuid ja bagadeami sámi oahpponeavvuid birra. Sámedikkis leat maid oahpponeavvočájáhusat iešguđet arenain nugo skuvlakonferánssain. Dat lea ovttasbargu gaskal Ovttas|Aktan|Aktesne ja Sámedikki nu ahte skuvllat mat áigot oažžut dieđuid dahje luoikkahit oahpponeavvuid sáhttet mannat uskkádahkii www.ovttas.no.
Muđui sáhttá váldit oktavuođa Sámedikkiin jus áigu dieđuid dahje bagadeami sámi oahpahusa birra.