Sámediggi Kárášjogas lea rabas oahppaladdamii. Ofelastin sámediggevisttis dáhpáhuvvá disdagaid, gaskavahkuid ja duorastagaid dii. 13.00, earret dalle go lea dievasčoahkkin.
Dievasčoahkkimat 2020:s:
Vahku 10: Njukčamánu 2. – 6. b.
Vahku 23: Geassemánu 8. - 12. b.
Vahku 42: Golggotmánu 12. – 16. b.
Vahku 49: Skábmamánu 30. b. – juovlamánu 4. b.
Ofelastingiella lea dárogiella, sámegiella ja eŋgelasgiella. Ofelastin bistá birrasii 30 minuhta. Ovtta joavkkus sáhttet leat eanemusat 25 olbmo mielde. Ofelastin lea nuvttá.
Loga maid: Dieđut sámediggevistti birra
Loga maid: Historjá
Heivehuvvon fálaldat joavkkuide
Nuoraidceahki ja joatkkaskuvlla ohppiide ja luohkáide, organisašuvnnaide, ásahusaide ja mediaide mii fállat heivehuvvon ofelastima, oktan oanehis logaldallama Sámedikki, sámepolitihka ja eará relevánta fáttáid birra. Fálaldat heivehuvvo áiggis áigái hálddahusa kapasitehtii ja politihkalaš doaimmaide sámediggevisttis.
Váldde oktavuođa Gulahallanossodagain jus dus leat earenoamáš dárbbut.
Rabas čoahkkimat
Sámedikki dievasčoahkkimat ja lávdegoddečoahkkimat leat rahpasat guldaleddjiide. Dábálaččat leat njeallje dievasčoahkkima ja lávdegoddečoahkkima jagis. Čoahkkimiid áigge lea Sámedikki kantiina rabas, maiddái guldaleddjiide.
Sámedikki girjerádju
Sámedikki girjerádju, mas maid leat lohkansajit, lea rabas dii. 09.00 - 15.30 geavaheddjiid várás.
Váldde oktavuođa:
Telefuvdna: +47 78 47 40 00
samediggi@samediggi.no