Oahpponeavvut

Sámedikkis lea ovddasvástádus jahkásaš bušeahtaid bakte čilget mihttomeriid, strategiijaid ja doaibmabijuid oahpponeavvuid buvttadeami váste.

Sámedikkis lea ovddasvástádus juohkimis ruđaid ja čuovvolit ja dárkkistit ruhtageavaheami lágaid, ja njuolggadusaid ektui.

Sámediggi bargá dan badjelii ahte:

• Ožžodit sámegielat oahpponeavvuid ja pedagogalaš ávdnasiid innovatiivvalaš ja beaktilis buvttadeami
• Gávdnojit sámi oahpponeavvut ja juohkit dieđuid daid birra sámi oahpponeavvoguovddáža ja Sámedikki neahttasiidduid bakte ja ahte sáhttá ohcat dieđuid oahpponeavvuid birra oahpponeavvouskkádagas neahtas.

Sámedikki oahpponeavvobarggu vuođđun leat Sámedikki 2009-2012 oahpponeavvoovdánahttima strategalaš plána mearriduvvon strategiijat. Plána mearkkaša earret eará ahte mii galgat:

• Ovdánahttit ođđa oahpponeavvuid lulli-, julev- ja davvisámegielaide
• Jorgalit ja heivehit dálá oahpponeavvuid
• Ovttasbargat guoskevaš fágabirrasiin fágagirjjálašvuođa ovdánahttima oktavuođas
• Ovdánahttit dábálaš ja/dahje digitála oahpponeavvuid
• Heivehit dálá lulli- ja davvisámegielat oahpponeavvuid nubbingiela oahpahussii
• Lohkat ja vuorkut teavsttaid jietnafiilan
• Nammadit bargojoavkku man bargun lea válljet matematihkkagirjjiid mat galget jorgaluvvot lulli-, julev- ja davvisámegielaide
• Dárbbu mielde jorgalit ja heivehit oahppogirjjiid/fáddágirjjiid lulli-, julev- ja davvisámegielaid gaskkas
• Ovttasbargat Sámi earenoamášpedagogalaš doarjalusain kártemis dárbbuid
• Ovttasbargat Stáhta earenoamášpedagogalaš doarjalusa fágabirrasiiguin ovdánahttimis oahpponeavvuid, kárten ja bagadallanávdnasiid

Ovttas.no - Sámi oahpponeavvut neahtas

Mii leat čohkken govaid, girjjiid, filmmaid, jienaid, oahpporeaidduid ja digitála resurssaid vai dutnje šadda álkkit leat oahpaheaddjin sámi skuvllas. Dasa lassin gávnnat arthikkaliid sámi áššiid birra ja pedagogalaš rávvagiid.

www.ovttas.no