Sámediggi ja Statskogleat soahpan ođasmahttit ovttasbargošiehtadusa. Šiehtadusas, mii vuolláičállojuvvon ođđajagimánu 13. b., lea dat ođas ahte Statskog ja Sámediggi galget láhčit dasa ahte nannet gulahallama gaskal huksejeddjiid ja sámi vuoigatvuođaeaiggádiid go areálageavaheapmi rievdá.
–Min mielas dat buoridivččii huksejeddjiid ja boazodoalu gaskasaš proseassa areálahuksenáššiin, dadjaba Sámedikki presideanta Aili Keskitalo ja Statskog stivrajođiheaddji, Gunnar Olofsson.
Vuosttaš ovttasbargošiehtadus gaskal Sámedikki ja Statskog vuolláičállojuvvui jagi 2012.
Einnostanvejolaš rámmat
Šiehtadusa ulbmil lea ásahit einnostanvejolaš rámmaid Statskog SF ja Sámedikki gaskasaš gulahallamii. Šiehtadus gohčču Sámedikki ja Statskog láhčit dasa ahte huksejeaddjit ja sámi vuoigatvuođaeaiggádat sáhttet soahpat šiehtadusvuđot ovttasbarggu dakkár čielggadusaid ja mearrádusaid oktavuođas mat čatnasit rievdaduvvon areálageavaheami plánaide.
–Mii háliidit movttiidahttit daid huksejeddjiid ja industriijadoaimmaheddjiid, geat áigot doaibmat árbevirolaš sámi guovlluin, duddjot ovttamielalašvuođa sámi vuoigatvuođaeaiggádiiguin, nu go boazodoaluin. Min vuordámuš lea ahte ealáhuseallin váldá oktavuođa ja duddjo ovttamielalašvuođa singuin, geain lea vuoigatvuohta areálaide. Ii leat šat doarvái dušše váldit vuhtii eiseváldeproseassaid, deattuha Sámedikki presideanta Aili Keskitalo.
Duddjot einnostanvejolašvuođa
Maiddái stivrajođiheaddji Gunnar Olofsson lea ilus go ovttasbargošiehtadus lea ođasmahttojuvvon ja ovddiduvvon viidáseappot.
–Šiehtadus čájeha ahteStatskogháliida leat mielde duddjomin einnostanvejolašvuođa sihke vuoigatvuođaeaiggádiid ja industriijadoaimmaheddjiid várás, dadjá, sier Olofsson.
Sámedikki presideanta Aili Keskitalo ja Statskog stivrajođiheaddji Gunnar Olofsson vuolláičálliba šiehtadusa, mii gusto golmma jahkái, Clarion Hotel Royal Christiania nammasaš hoteallas ođđajagimánu 13. b. dii. 10.00.
http://www.statskog.no/Statskog/samfunnsansvar/Sider/Samarbeidsavtale_Statskog_Sametinget.aspx
Eanet dieđuid addiba:
Sámedikki presideanta Aili Keskitalo, 971 29 305
Stivrajođiheaddji Gunnar Olofsson, 0046 70 3341516
Loga eanet Statskog birra dás: www.statskog.no